ސިވިލް ސަރވިސްގެެ މުވައްޒިފުންގެެ މުސާރައަށް ބަދަލުތައް ގެނެސްފި
18 މެއި 2020 | ހޯމަ 00:5420،000ރ އަށް މަދުން ލިބޭ ފަރާތްތަކުގެ މުސާރައަށް ބަދަލެއް ނާންނާނެ
ސަރުކާރުގެ އޮފީސްތައް ހިންގަމުން އަންނަ ވެލާނާގެ
ހަރަދުުތައް ކުޑަކުރުމުގެގޮތުން ސިވިލް ސަރވިސްގެ މުވައްޒިފުންގެެ މުސާރަތަކަށް ބަދަލުތައް ގެނެސްފި އެވެ.
ސިވިލް ސަރވިސް ކޮމިޝަންގެ ރައީސް އަލީ ޝަމީމް ސޮއިކުރައްވާ ނެރުއްވި ސަރކިއުލާގައި ބުނެފަިއވަނީ މިނިސްޓްރީ އޮފް ފިނޭންސްގެ ސަރކިއުލަރއިން "ކޮވިޑް-19" އާއި ގުޅިގެން ދައުލަތުގެ ޚަރަދު ކުޑަކުރުމުގެ ގޮތުން އާންމުކޮށްފައިވާ ފިޔަވަޅުތަކަށް އަމަލުކުރުމުގައި ސިވިލް ސަރވިސްގެ އިދާރާތަކުން އަމަލުކުރަންޖެހޭ ގޮތްތައް ކަނޑައަޅާ އަންގާކަމަށެވެ.
ސިވިލް ސަރވިސް ކޮމިޝަންގެ ސަރކިއުލާގައި ބުނެފައިވާގޮތުން ސިވިލް ސަރވިސްގެ މުވައްޒިފުންގެ އިތުރުގަޑީގެ ފައިސާ ދޭ އުސުލަށްވެެސް ވަނީ ބަދަލުތަކެއް ގެނެސްފަ އެވެ. އެގޮތުން ސަރުކާރުގެ މުވައްޒަފުން ހަފްތާއަކު 48 ގަޑިއިރަށް ވުރެ އިތުރަށް މަސައްކަތް ކޮށްފި ނަމަ އިތުރުގަޑީގެ ފައިސާ ވެސް ދޭން ޖެހޭނެ އެވެ.
ކޮވިޑް-19 އާ ގުޅޭ އެންމެ ފަހުގެ މަޢުލޫމާތު ދިނުމަށް ނޭޝަނަލް އިމަރޖެންސީ އޮޕަރޭޝަން ސެންޓަރުގައި ބުރާސްފަތި ދުވަހު ބޭއްވި ނޫސްވެރިންގެ ބައްދަލުވުމުގައި ފިނޭންސް މިނިސްޓަރ އިބްރާހިމް އަމީރު ވިދާޅުވީ ސަރުކާރުން މިނިންމުން ނިންމާފއިވަނީ މިހާތަނަށް ދައުލަތުގެ މާލީއްޔަތަށް އިތުރު ބަދަލުތަކެއް ނާންނާތީ އާއި އިތުރަށް ގޯސްވާނެކަމަށް އަންދާޒާ ކުރެވޭތީ ކަމަށެވެ.
ސަރުކާރުން ކުރިން ކަނޑައަޅާފައި އޮތް އުސޫލްގައި މުސާރަ ކުޑަކުރަން ނިންމާފައި އޮތީ ޑެޕިއުޓީ މިނިސްޓަރުން ފެށިގެން މަތީ މަގާމުތަކުން އެކަންޏެވެ. ނަމަވެސް 20،000ރ. އިން މަތިީގެ މުސާރަތައް ލިބޭ މުވައްޒަފުން މުސާރަ ކުޑަކުރަން ނިންމުން އޮފީސްތަކުގެ ޕާމަނެންޓް ސެކްރެޓަރީންނާއި ކޮންޓްރެކްޓް ސްޓާފުން އޭގެ ތެރެއަށް ވަންނާނެ ކަމަށްް މިނިސްޓަރ ވިދާޅުވި އެވެ.
