ގަވާއިދާ ޚިލާފަށް އުޅެމުންދާ 353 ބިދޭސީން ގައުމަށް ފޮނުވާލައިފި
މި މީހުން ފޮނުވާލާފައިވަނީ ދިވެހި ސަރުކާރުން ޗާޓަރުކޮށްފައިވާ ބަންގްލަދޭޝްގެ ބިމާން އެއަރގެ މަތިންދާބޯޓެއްގައި
ރާއްޖޭގައި މަސައްކަތް ކުރާ ބަންގުލަދޭޝްގެ ރައްޔިތުންތަކެ؛ މާދަމާ ވެސް އިތުރު 70 މީހުން ފޮނުވާލާނެކަމަށް ސަރުކާރުން ބުނެއެވެ.
ގަވާޢިދާ ޚިލާފަށް ރާއްޖޭގައި އުޅެމުން އައި ބަންގްލަދޭޝްގެ 353 މީހަކު އަނބުރާ ގައުމަށް ފޮނުވާލައިފި އެވެ.
މި މީހުން ފޮނުވާލާފައިވަނީ ދިވެހި ސަރުކާރުން ޗާޓަރުކޮށްފައިވާ ބަންގްލަދޭޝްގެ ބިމާން އެއަރގެ މަތިންދާބޯޓެއްގަ އެވެ. އަދި ބަންގްލަދޭޝްއިން ރާއްޖެއަށް ހިލޭ އެހީ ހިފައިގެން އައި އެގައުމުގެ އަސްކަރީ މަތިންދާބޯޓުގައި އާދީއްތަ ދުވަހު އިތުރު 70 މީހުން އަނބުރާ ގައުމަށް ފޮނުވާލާ ގޮތަށް ވަނީ ހަމަޖެހިފަ އެވެ.
ގަވާއިދާ ޚިލާފަށް ރާއްޖޭގައި އުޅެމުންދާ ބިދޭސީން އަނބުރާ ގައުމަށް ފޮނުވާލުމަށް ކުރަމުންދާ މަސައްކަތުގައި މީގެ ކުރިންވެސް އެގައުމުގެ އަސްކަރީ މަތިންދާބޯޓެއްގައި 70 މީހަކު ބަންގްލަދޭޝްއަށް ފޮނުވާލާފައި ވެއެވެ.
މިއީ ގަވާއިދާ ޚިލާފަށް ރާއްޖޭގައި އުޅޭ ބިދޭސީން އަނބުރާ ގައުމަށް ފޮނުވާލުމަށް ފޮރިން މިނިސްޓްރީ އާއި އިކޮނޮމިކް މިނިސްޓްރީ ގުޅިގެން ކުރިއަށްގެންދާ މަސައްކަތުގެ ބައެކެވެ. ގަވާޢިދާ ޚިލާފަށް ރާއްޖޭގައި އުޅެމުންދާ ބަންގްލަދޭޝްއަށް ނިސްބަތްވާ މީހުން އަނބުރާ ފޮނުވާލުމުގެ މަސައްކަތުގައި ރާއްޖޭގައި ހުންނަ ބަންގްލަދޭޝްގެ ހައިކޮމިޝަނުން އަންނަނީ އެހީތެރިކަން ފޯރުކޮށްދެމުންނެވެ.
މިމަސައްކަތުގައި ދެގައުމުގައި ހަރަކާތްތެރިވާ ހުރިހާ އިދާރާތަކަށް ފޮރިން މިނިސްޓަރ އަބްދުﷲ ޝާހިދު ޝުކުރު އަދާކުރައްވައެވެ.
