މި ޑިޝް އަކީ ގޭގައި ހުރި ތަކެތިން ތައްޔާރު ކޮށްލެވޭނެ ފަސޭހަ ޑިޝްއެކެވެ
ޗިލީ ސޮސެޖް، އެކްރިޗް
ޗިލީ ސޮސެޖަކީ ރޮށްޓާ ޖަހައިގެން ކާލަން އަދި ބަތާއެއްކޮށް ވެސް ކާން ވަރަށް ކަމުދާނެ ޑިޝްއެކެވެ. މި ޑިޝް އަކީ ގޭގައި ހުރި ތަކެތިން ތައްޔާރު ކޮށްލެވޭނެ ފަސޭހަ ޑިޝް އެކެވެ.
އެންމެ ފުރަތަމަ ފިޔާ، ލޮނުމެދު، ބޮޑު މިރުސް، ކެޕްސިކަމް، ޓޮމާޓޯ އަދި ހިކަނދިފަތްކޮޅު ބޮޑެތިކޮށް ކޮށާލާށެވެ. މިރުސް ކޮށާނީ ހިމުންކޮށެވެ.
އެންމެ ފުރަތަމަ ސޮސެޖްތައް ބޭނުން ސައިޒަކަށް ކޮށާލާފައި ތެލުލާށެވެ. ދެން ވަކިން ތެއްޔެއްގައި ފިޔާކޮޅު ވަޅޯ ކޮށްލާށެވެ. ފިޔާކޮޅު ވަޅޯވުމުން ލޮނުމެދު، މިރުސް އަދި ބޮޑުމިރުސްކޮޅު އަޅާފައި މީރުކޮށްލާށެވެ.
ދެން ބާކީހުރި ތަރުކާރީކޮޅު އަޅާފައި ރަނގަޅަށް ހާވާލާށެވެ. ތަރުކާރީކޮޅު މީރު ވުމުން ތެލުލި ސޮސެޖްކޮޅު އަޅާފައި އެއްކޮށްލާށެވެ.
ދެން އާބްސް، އަސޭމިރުސް، ޕެޕްރިކާ އަދި ލޮނުކޮޅު އަޅާފައި އެއްކޮށްލާށެވެ.
އެއަށްފަހު ސޯސްކޮޅު އަޅާފައި ހާވާލުމުން މި ޑިޝް މިހިރީ ތައްޔާރު ވެފައެވެ.
