ވިސާ ޖެހުމަށްޓަކައި މޯލްޑިވްސް އިިމިގްރޭޝަނަށް ހުށައަޅާފައިވާ ޕާސްޕޯޓްތައް ދޫކުރަން ފަށައިފިއެވެ.

އިމިގްރޭޝަނަށް ހުށައަޅާފައިވާ ޕާސްޕޯޓްތައް ދޫކުރަނީ އާދިއްތަ އަދި ބުރާސްފަތި ދުވަހު ހެނދުނު 11 އިން މެންދުރު ފަހު 1:00 އަށެވެ.

އިމިގްރޭޝަންގެ މީޑިއާ އޮފިސަރު ހަސަން ޚަލީލް ރާއްޖެ.އެމްވީ އަށް ވިދާޅުވީ، އަންގާރަ ދުވަހު ޕާސްޕޯޓްތަައް ދޫކުރަން ފަށާފައިވާއިރު، 164 ޕާސްޕޯޓެއް ދޫކޮށްފައިވާ ކަމަށެވެ. އޭގެ ތެރޭގައި ހިމެނެނީ ވަރކް ވިސާއަށް ހުށައެޅި 164 ޕާސްޕޯޓާއި ޑިޕެންޑެންޓް ވިސާ އަށް ހުށައަޅާފައިވާ ނުވަ ޕާސްޕޯޓެވެ.

ބުަދަ ދުވަހު 94 ޕާސްޕޯޓެއް ވަނީ ދޫކޮށްފައެވެ. އޭގެ ތެރެއިންވެސް ގިނައިން ހިމެނެނީ ވަރކް ވިސާއަށް ހުށައަޅާފައިވާ ޕާސްޕޯޓުތަކެކެވެ. ޚަލީލް ވިދާޅުވީ، ވިސާ ދޫކުރުމުގައި ހަރަކާތްތެރިވަނީ ހަތަރު މުވައްޒަފުން ކަމަށެވެ.

ލޮކްޑައުންގައި ގައި މުއްދަތު ހަމަވެފައިވާ ވިސާ އައުކޮށެއް ނުދެއެވެ. ވިސާ އައުކުރަން ސަރުކާރުން ހުޅުވުމުން 10 ދުވަސް ތެރޭގައި ހުށައެޅުމަށް އިމިގްރޭޝަނުން ވަނީ އިލްތިމާސް ކޮށްފައެވެ.