އަފްގާނިސްތާންގެ ކާބުލްގައި މެޓަރނިޓީ ހޮސްޕިޓަލަކަށް ބަޑިން ހަމަލާތަކެއްދީފި އެވެ.

އަލްޖަޒީރާ ގައި ރިޕޯޓުކޮށްފައިވާ ގޮތުގައި ކާބުލްގެ މެޓަރނިޓީ ހޮސްޕިޓަލަށް ހަތިޔާރުއެޅި ތިން މީހަކު ވަދެ، ބަޑި ޖަހަން ފެށި ކަމަށެވެ. އަދި ޕޮލިހުންނާއި އޭނާ ދެމެދު ކުރިމަތިލުންތަކެއް ހިނގާ މިކަން ދެތިން ގަޑިއިރަށް ދެމިގެން ދިޔަ ކަމަށެވެ.

މިހަމަލާތަކުގައި ''ބާކީ'' ހޮސްޕިޓަލްގެ ނަރުހުންތަކަކާއި، ތުއްތު ދެކުދިންނާއި، އެދެކުދިންގެ މަންމައިންނާއެކު ޖުމްލަ 14 މީހުން މަރުވެފައިވާ ކަމަށެވެ. މި ހާދިސާއާ ގުޅިގެން އިންޓީރިއަރ މިނިސްޓްރީން ބުނެފައިވަނީ 15 މީހަކު މިހަމަލާގައި ޒަހަމްވެފައިވާ ކަމަށެވެ. މީގެ ތެރޭގައި އަންހެނުންނާއި ކުޑަ ކުދިން ހިމެނޭ ކަމަށެވެ.

އޮފިޝަލުންނާއި ހަވާލާދީ ރިޕޯޓުކޮށްފައިވާ ގޮތުގައި މި ހަމަލާ ދީފައިވަނީ ޕޮލިސް ޔުނީފޯމް އަޅާގެން ހޮސްޕިޓަލަށް ވަތް ތިން މީހުން ކަމަށެވެ.