ވެންޓިލޭޓަރުގައި ފަރުވާދެމުން އަންނަ މީހުންގެ އަދަދު ހަތަރަކަށް
11 މެއި 2020 | ހޯމަ 18:58ދެ މީހަކަށް ފަރުވާ ދެނީ ޓްރީޓޮޕްގައި
ޓްރީޓޮޕް ހޮސްޕިޓަލް: ކޮވިޑް-19 ޖެހިގެން 11 މީހަކަށް ފަރުވާދެމުންދަނީ މި ހޮސްޕިޓަލުގައި
ރާއްޖެއިން ކޮވިޑް-19 ޖެހިގެން ފަރުވާދެމުންދާ މީހުންގެ ތެރެއިން އިތުރު މީހަކު ވެންޓިލޭޓަރުގައި ފަރުވާދޭން ފަށައިފި އެވެ.
އެންއީއޯސީ ގައި ބޭއްވި ނޫސްވެރިންގެ ބައްދަލުވުމުގައި އެޗްޕީއޭގެ އެޕިޑަމޮއޮލޮޖިސްޓް ޑރ. އިބްރާހިމް އަފްޒަލް ވިދާޅުވީ، ދަރުމަވަންތް ހޮސްޕިޓަލުގެ 11 ވަނަ ފަންގިފިލާގައި ތިން މީހަކަށް ފަރުވާދެމުންދާ ކަމަށެވެ. އޭގެ ތެރެއިން ދެ މީހަކަށް ފަރުވާދެމުންދަނީ ވެންޓިލޭޓަރުގައެވެ.
ޓްރީޓޮޕް ހޮސްޕިޓަލް (ޓީޓީއެޗް) ގައި ފަރުވާދެމުންދާ މީހުންގެ މައުލޫމާތު ހިއްސާ ކުރައްވަމުން ޑރ. އަފްޒަލ ވިދާޅުވީ، 11 މީހަކަށް މިވަގުތު ފަރުވާދެމުންދާ ކަމަށާއި، އޭގެ ތެރެއިން ދެ ބިދޭސީއަކަށް ވެންޓިލޭޓަރުގައި ފަރުވާދެމުންދާ ކަަމަށެވެ. އެއީ 54 އަހަރުގެ ފިރިހެނަކާއި 29 އަހަރުގެ ފިރިހެނެކެވެ.
ކޮވިޑް-19 ޖެހޭ މީހުންގެ ތެރެއިން އެންމެ ހާލު ދެރަވާ މީހުންނަށް ފަރުވާދެނީ ވެންޓިލޭޓަރުގެ އެހީގަ އެވެ. މި ބަލި ޖެހުމުން ނޭވާލާ ނިޒާމަށް ހަމަލާދެ އެވެ. އަދި މި ބަލި ޖެހިގެން ސީރިއަސްވާ މީހުންގެ ތެރޭގައި ގިނައީ، ނޭވާލާ ނިޒާމަށް ތަފާތު އެކިއެކި ކަންކަން ދިމާވާ މީހުންނެވެ.
