ރާއްޖެ
އައިޖީއެމްއެޗްގެ ނަރުހުން
އައިޖީއެމްއެޗްގެ 21 ނަރުހަކު އެކަހެރިކޮށްފި
ނަތީޖާ ލިބެންދެން ތިބޭނީ އެކަހެރި ކުރެވިފައި
އަލީ ސަމާޚް, ރާއްޖެ އެމްވީ | 11 މެއި 2020 | ހޯމަ 17:28
އައިޖީއެމްއެޗް ހޮސްޕިޓަލް: 21 ނަރުހުން ވަނީ އެކަހެރި ކޮށްފައި
އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) ގެ 21 ނަރުހަކު އެކަހެރި ކޮށްފި އެވެ.
އެކަން ހާމަކުރީ ހޯމަ ދުވަހުގެރޭ އެންއީއޯސީގައި ބޭއްވި ނޫސްވެރިންގެ ބައްދަލުވުމެއްގައި އެ ސެންޓަރުގެ ތަރުޖަމާނު މުހައްމަދު މަބްރޫކް އަޒީޒް އެވެ.
އެ ނަރުހުންނަކީ އައިޖީއެމްއެޗްގެ ކޮން ޑިޕާޓްމެންޓެއްގައި މަސައްކަތްކުރާ ނަރުހުން ކަމެއް އޭނާ ހާމައެއް ނުކުރައްވަ އެވެ. ނަމަވެސް އައިޖީއެމްއެޗްގައި ފަރުވާދެމުންދިޔަ މާބަނޑު އަންހެނަކު ކޮވިޑް-19 އަށް ޕޮޒިޓިވްވުމުން ނަރުހުންތަކެއް ވަނި އެކަހެރި ކޮށްފައެވެ.
ކޮވިޑް-19 އާ ގުޅިގެން ރާއްޖޭގައި މަސައްކަތް ކުރާ ޑޮކްޓަރުންގެ އިތުރުން ނަރުހުންގެ އަދަދު މަދުކަމަށް ސަރުކާރުން ވަނީ ހާމަކޮށްފައެވެ.
