'ސަރޖް' އަށް ފަހު ކާމިޔާބު މަސައްކަތެއް ކުރެވިއްޖެނަމަ ރަނގަޅު ހާލަތަކަށް ދެވޭނެ: އަލީ ވަހީދު
2 ހަފްތާއާއި 6 ހަފްތާ އާއި ދޭތެރޭގައި މިކަހަލަ ސަރޖްތައް ދުނިޔޭގެ އެހެން ގައުމުތަކުގައި ވެސް ކުރިމަތިލާފައިވޭ
ޓުއަރިޒަމް މިނިސްޓަރު އަލީ ވަހީދު؛ ސަރޖްގެ ތެރޭގައި ވާން ޖެހޭ ތައްޔާރީތައް ވަނީ ވެފައި، މީހުން އުފުލުމާއި ކަރަންޓީން ކުރުމުގެ ކަންކަން ވެސް ވަނީ ހަމަޖެހިފައި
ކުރިއަށް އޮތް 2 ހަފުތާގެ ތެރޭގައި ފެށޭ ސަރޖަށްފަހު ކާމިޔާބު މަސައްކަތެއް ކުރެވިއްޖެނަމަ ރަނގަޅު ހާލަތަކަށް އާދެވޭނެކަމަށް ޓުއަރިޒަމް މިނިސްޓަރު އަލީ ވަހީދު ވިދާޅުވެއްޖެއެވެ.
ކޮވިޑްގެ ގައުމީ ޓާސްކް ފޯހުން ހޯމަ ދުވަހު ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން މިނިސްޓަރު އަލީ ވަހީދު ވިދާޅުވީ 2 ހަފުތާއާއި 6 ހަފުތާ އާއި ދޭތެރޭގައި މިކަހަލަ ސަރޖްތައް ދުނިޔޭގެ އެހެން ގައުމުތަކުގައި ވެސް ކުރިމަތިލާފައިވާ ކަމަށެވެ. އަދި މި ފެށޭ 2 ހަފުތާއެއްހާ ދުވަސްގައި އަންނަ ސަރޖަށް ފަހު ކާމިޔާބު މަސައްކަތްތަކެއް ކުރެވިއްޖެ ނަމަ މިހާރު އޮތް ހާލަތަށްވުރެ ރަނގަޅު ހާލަތަކަށް އަރައިގަނެވޭނެ ކަމަށް މިނިސްޓަރު ވިދާޅުވިއެވެ.
މިނިސްޓަރު އަލީ ވަހީދު ވިދާޅުވީ ސަރޖްގެ ތެރޭގައި ޕޮޒިޓިވް ކޭސްތައް އައިސޮލޭޝަނަށް ގެންދިއުމަށް މިހާރު ވެސް ކުރަމުންދަ މަސައްކަތް ކުރިއަށްދާނެ ކަމަށެވެ. އަދި ހުޅަނގު މޫސުން ފެށިފައިވާ އިރު ދުރުގައި ހުރި އައިސޮލޭޝަން ފެސިލިޓީތަކަށް ކަނޑުމަގުން ނުގެންދެވޭ ހާލަތުގައި ވައިގެ މަގުން ވެސް މީހުން ގެންދާނެ ކަމަށް އަލީ ވަހީދު ވިދާޅުވިއެވެ. އޭނާ ވަނީ އެކަމަށް ވާންޖެހޭ ތައްޔާރީތައް ވަމުންދާ ކަމަށް ވިދާޅުވެފައެވެ.
މިނިސްޓަރު އަލީ ވަހީދު ވިދާޅުވީ ސަރޖްގެ ތެރޭގައި ޕޮޒިޓިވް ކޭސްތައް އައިސޮލޭޝަނަށް ގެންދިއުމަށް މިހާރު ވެސް ކުރަމުންދަ މަސައްކަތް ކުރިއަށްދާނެ ކަމަށެވެ. އަދި ހުޅަނގު މޫސުން ފެށިފައިވާ އިރު ދުރުގައި ހުރި އައިސޮލޭޝަން ފެސިލިޓީތަކަށް ކަނޑުމަގުން ނުގެންދެވޭ ހާލަތުގައި ވައިގެ މަގުން ވެސް މީހުން ގެންދާނެ ކަމަށް އަލީ ވަހީދު ވިދާޅުވިއެވެ. އޭނާ ވަނީ އެކަމަށް ވާންޖެހޭ ތައްޔާރީތައް ވަމުންދާ ކަމަށް ވިދާޅުވެފައެވެ.
