އިތުރު 27 މީހަކު ކޮވިޑް-19ށް ޕޮޒިޓިވްވެ، ޖުމުލަ އަދަދު 862ށް!

ރާއްޖެއިން އިތުރު 27 މީހަކު ކޮވިޑް-19އަށް ޕޮޒިޓިވްވެއްޖެއެވެ.

ހޯމަ ދުވަހު ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ކުރި ޓްވީޓެއްގައި ބުނީ، ހޯމަ ދުވަހުގެ މެންދުރު 01:00ގެ ނިޔަލަށް ރާއްޖެއިން އިތުރު 27 މީހަކު ކޮވިޑް-19އަށް ޕޮޒިޓިވް ވެފައިވާ ކަމަށެވެ. އޭގެ ތެރޭގައި ހިމެނެނީ 9 ދިވެހިންނާއި، ބަނގްލަދޭޝްގެ 18 ރައްޔިތުންކަމަށް އެޗްޕީއޭއިން ބުނެފައިވެއެވެ.

އެއާއެކު ރާއްޖެއިން ފެނުނު ޕޮޒިޓިވް ކޭސްތަކުގެ ޖުމުލަ ޢަދަދު ވަނީ 862ށް އަރާފައެވެ.

ރާއްޖެއިން ކޮމިއުނިޓީ ސްޕްރެޑެއް ފެނިފައިވުމާއެކު މާލެ ޞަރަޙައްދު ވަނީ ލޮކްޑައުން ކޮށްފައެވެ. އަދި ފެންނަމުންދާ ކޭސްތަކާ ގުޅިގެން ކޮންޓެކްޓް ޓްރޭސިންއާއި ސާމްޕަލް ނެގުމުގެ މަސައްކަތްތައް އަދިވެސް ކުރިއަށް ދެއެވެ.