ބޮލީވުޑް ފިލްމްތަކުގެ ތެރެއިން ބެލުންތެރިންގެ އެންމެ މަޤުބޫލްކަން ހޯދި އެއް ފިލްމަކީ އަދި މިހާރުވެސް އެންމެ ހިނގާ ފިލްމަކީ "ދިލްވާލޭ ދުލްހަނިޔާ ލޭޖާއެނގޭ" އެވެ. ޝާހުރުކް ޚާނާއި ކާޖޮލް ލީޑް ރޯލު ކުޅެފައިވާ މި ފިލްމު ރިލީޒް ކޮށްފައިވަނީ 1995 ވަނަ އަހަރު ގައެވެ.
ޔާޝް ޗޯޕްޅާ ޕްރޮޑިއުސްކޮށް އަދިތުޔާ ޗޯޕްޅާ ޑައިރެކްޓް ކޮށްފައިވާ މި ފިލްމަށް ލަތާ މަންގޭޝްކަރު ކިޔާދީފައިވާ "މޭރޭ ޚުވާބޯން މެއިން" މި ލަވައަކީ އަދިވެސް ބެލުންތެރިންގެ މެދުގައި އެންމެ މަޤުބޫލް އެއް ލަވައެވެ.
މި ލަވައާއި ގުޅޭ ގޮތުން ބެލުންތެރިން ހައިރާން ވާފަދަ ކަމެއްވަނީ ހިނގާފައެވެ. އެއީ މިލަވައިގެ ޅެން ހަދާފައިވާ މަޝްހޫރު ޅެން ވެރިޔާ އާނަންދް ބަކްޝީއަށް މި ޅެން 24 ފަހަރު ލިޔަން ޖެހުމެވެ. ކޮންމެ ފަހަރަކުވެސް ޅެން ހަދާފައި ފިލްމުގެ ޑައިރެކްޓަރ އަށް ދެއްކުމުން އޭނާ އަށް އެ ޅެން ކަމުނުގޮސްގެން އަނެއްކާވެސް ލިޔަން ޖެހުމެވެ. އެގޮތުން ފިލްމްގެ ޑައިރެކްޓަރ މި ޅެން ކަމު ދިޔައީ 24 ވަނަ ފަހަރަށް ލިޔެފައި ދިނުމުން ކަމަށް ރިޕޯޓުތައް ބުނެއެވެ.
"މޭރޭ ޚުވާބޯންމެއިން" އަކީ "ދިލްވާލޭ ދުލްހަނިޔާ ލޭޖާއޭނގޭ" މި ފިލްމަށް ރެކޯޑް ކުރި ފުރަތަމަ ލަވައެވެ. މި ލަވައިގައި ކާޖޮލްގެ އެކްޓިންއަށް އަދިވެސް ބެލުންތެރިންގެ ތަރުހީބް ދަނީ ލިބެމުންނެވެ.
