ކްރިސްޕީ ބީފް ސްޕްރިންގ ރޯލްސް

ސްޕްރިންގ ރޯލަކީ ޗައިނީޒް ކުއިޒިންގައި މަޤުބޫލު އެޕަޓައިޒަރ އެކެވެ. މި ރޯލަކީ ރޯދަވީއްލުމަށް ތައްޔާރު ކޮށްލަންވެސް ވަރަށް ކަމުދާނެ ހެދިކާއެކެވެ.

އެންމެ ފުރަތަމަ ތައްޓަކަށް 1 ސައި ސަމުސާ ކޯން ފްލާ، ހަކުރު، ސޯޔާ ސޯސް އަދި އަސޭމިރުސްކޮޅު އެއްކޮށްލާފައި ބީފް ކޮޅު އަޅައި، ރަނގަޅަށް ހާވާލާށެވެ.

ބީފްކޮޅު ރޯފިލަންދެން ތަވައެއްގައި ކައްކާލާށެވެ.

ވަކިން ތައްޓަކަށް ރޯފިލާފައި ހުރި ބީފް ކޮޅު އަޅާލުމަށްފަހު ތަވާ ރަނގަޅަށް ސާފުކޮށްލާ، ކުޑަ ޒައިތޫނި ތެޔޮ ކޮޅެއް އަޅާފައި ފިޔާ، މިރުސް، އިނގުރު އަދި ލޮނުމެދުކޮޅު މީރުކޮށްލާށެވެ.

ދެން ބާކީ ހުރި ތަރުކާރީކޮޅު އަޅާފައި މަޑުވެލަންދެން މަޑުގިނީގައި ބަހައްޓާށެވެ.

އެއަށްފަހު ބާކީ ހުރި ތަކެތި އެއްކޮށްލާ، ބީފް ކޮޅު އަޅައި ރަނގަޅަށް ހާވާލާށެވެ.

ވަކި ކުރި ކޯން ފްލާކޮޅާއި ފެންފޮދު ކުޑަ ތައްޓެއްގައި ވަކިން އެއްކޮށްލާށެވެ.

ދެން ސްޕްރިންގ ރޯލް ޝީޓުތައް ނަގައި، ވަރަށް ބަލައިގެން ހުރިހާ ކަރުދާހެއް ވަކިކޮށްލާށެވެ. ފަހަރަކު ކަރުދާހެއްގެ ކަނަށްވާގޮތަށް މަސްކޮޅެއްލާފައި އެއްފަހަރު އޮޅާލާށެވެ. ދެން ދެފަރާތުން ދެކަން ކުރިމައްޗައް ގެންނާށެވެ، މިހެން ހެދުމުން ރޯލްގެ ދެފަރާތް ބެދޭނެއެވެ. އެއަށްފަހު ދެންއިން ކަނާދިމާލަށް ރޯލްކޮށްލައި، ކަނުގައި ކޯން ފްލާ ފެންފޮދެއް ހާކާލާފައި ހިކުމުގެ ކުރިން ތަތްކޮށްލާށެވެ.

މި ރޯލްތަށް ހޫނު ތެޔޮގަނޑެއްގެ ތެރޭގައި ކުޑަކޮށް ރަތްވެލަންދެން ތެލުލާށެވެ. މިހިރީ ސްޕްރިންގ ރޯލް ތައްޔާރު ވެފައެވެ.

އެންމެ މީރުވާނީ ސްވީޓް ޗިލީސޯސްއާއި ޖައްސައިގެން ކާންށެވެ.