އަސާސީ ބައެއް ހިދުމަތްތައް ދިނުމަށް މާދަމާ އަދި ބުދަ ދުވަހު ބީއެމްއެލް ހުޅުވަނީ
10 މެއި 2020 | އާދީއްތަ 03:19ބޭރަށް ފައިސާ ޓްރާންސްފަރ ކުރުމުގެ ހިދުމަތް ދިނުމަށް ވަނީ ހަމަޖެހިފައި
ބީއެމްއެލް އިސްލާމިކް ގައި ކަސްޓަމަރަކު ހިދުމަތް ހޯދަނީ - މާދަމަ އަދި ބުދަ ދުވަހު ހިދުމަތް ދިނުމަށް ހަމަޖެހިފައިވަނީ ހެނދުނު 9:30 މެންދުރު 12 ށް
އަސާސީ ބޭންކިންގެ ހިދުމަތް ދިނުމަށް ހޯމަ އަދި ބުދަ ދުވަހު ބޭންކް އޮފް މޯލްޑިވްސް (ބީއެމްއެލް) ހުޅުވުމަށް ނިންމައިފިއެވެ.
ބީއެމްއެލުން ބުނީ ހޯދަ އަދި ބުދަ ދުވަހުގެ ހެނދުނު 9:30ން ފެށިގެން 12:00ށް އަސާސީ ބޭންކިންގގެ ޚިދުމަތްތައް ދިނުމަށް ހަމަޖެހިފައިވާ ކަމަށެވެ.
އެގޮތުން ރާއްޖޭން ބޭރަށް ފައިސާ ޓްރާންސްފަރ ކުރުމުގެ ހިދުމަތުގެ ތެރެއިން އިންޓަނޭޝަނަލް ޓްރާންސްފަރ (ޓީޓީ) ގެ ޚިދުމަތް ހޯއްދެއްވުމަށް ފުރިހަމަ ކޮށްފައިވާ ޓީޓީ އެޕްލިކޭޝަން ފޯމާއެކު ބޭނުންވާ އެހެނިހެން ލިޔުންތައް (ބިލް) އީމެއިލްInternationalTransfers@bml.com.mvމެދުވެރިކޮށް ފޮނުވޭނެ ކަމަށެވެ. އަދި އިންޓަރނެޓް ބޭންކިންގ މެދުވެރިކޮށްވެސް ޓީޓީ ޚިދުމަތަށް އެދި ހުށަހެޅޭނެ ކަމަށާއި، ހެނދުނު 11.00 ގެ ކުރިން ލިބޭ ޓީޓީ/ލެޓަރ އޮފް ކްރެޑިޓް އެދުވަހު ޕްރޮސެސް ކުރުމަށް ހަމަޖެހިފާ ކަމަށެވެ.
ޕޭ ރޯލް ނުވަތަ މުވައްޒަފުންގެ މުސާރަ ޖަމާކޮށްދިނުމުގެ ޚިދުމަތުގެ ތެރެއިން ޚިދުމަތައް އެދި ހުށަހެޅުން އީމެއިލް މެދުވެރިކޮށް ބަލައިގަނެވޭނެ ކަމަށާއި، މި ޚިދުމަތައް އެދި ހުށަހެޅުމަށް ބޭނުންވާ ލިޔުންތަކުގެ ތަފުސީލު ބޭންކުގެ ވެބްސައިޓްhttps://www.bankofmaldives.com.mv/payroll-servicesމެދުވެރިކޮށް ލިބެން ހުންނާނެ ކަމަށް ބީއެމްއެލް އިން ބުނެއެވެ. އަދި ބީއެމްއެލްގެ އެކައުންޓަކަށް މުސާރަ ޖަމާކުރާނަމަ ހެނދުނު 11.00އިގެ ކުރިން ލިބޭ ހުށަހެޅުންތައް އެދުވަހު ޕްރޮސެސް ވާނެ ކަމަށާއި، އެހެން ބޭންކެއްގެ އެކައުންޓަކަށް މުސާރަ ޖަމާކުރާނަމަ އެދުވަހު ޕްރޮސެސްކުރެވޭނީ 10.00ގެ ކުރިން ލިބޭ ހުށަހެޅުންތައް ކަމަށް ބީއެމްއެލްއިން ބުނެއެވެ.
އޭޓީއެމް މެދުވެރިކޮށް ޖަމާކުރާ ޗެކް ޕްރޮސެސް ކުރުމަށް ހަމަޖެހިފައިވަނީ ޖަމާކުރާ ދުވަސް ނޫން ދެން ބޭންކް ހުޅުވޭ ދުވަހެއްގަިއި ކަމަށާއި، ހެނދުނު 11:30 ގެ ކުރިން ޖަމާ ކުރާ ބީއެމްއެލް ޗެކެއްނަމަ އެދުވަހު ޕްރޮސެސް ވާނެ ކަމަށް ބީއެމްއެލުން ބުނެއެވެ.
ލޯކަލް ބޭންކް ޓްރާންސްފަރގެ ހިދުމަތްތަކުގެ ތެރެއިން ހެނދުނު 10:00 ގެ ކުރިން އިންޓަރނެޓް ބޭންކިންގ މެދުވެރިކޮށް ލިބޭ އޭސީއެޗް ޓްރާންސްފަރ ރިކުއެސްޓް އެދުވަހު ޕްރޮސެސް ވާނެ ކަމަސް ބީއެމްއެލްއިން ބުނެއެވެ. އަދި ހެނދުނު 11:30 ގެ ކުރިން އިންޓަރނެޓް ބޭންކިންގ މެދުވެރިކޮށް ލިބޭ އާރްޓީޖީއެސް ޓްރާންސްފަރ (100،000 ރުފިޔާއަށް ވުރެ މަތި) ރިކުއެސްޓް އެދުވަހު ޕްރޮސެސް ވާނެ ކަމަށް ބީއެމްއެލްއިން ބުނެއެވެ.
މީގެ އިތުރުން ހެނދުނު 11:30 ގެ ކުރިންmirapayments@bml.com.mvއީމެއިލް މެދުވެރިކޮށް ލިބޭ އެމްއާރްޓީޖީއެސް ޓްރާންސްފަރ ރިކުއެސްޓް އެދުވަހު ޕްރޮސެސް ވާނެ ކަމަށް ވެސް ބީއެމްއެލްއިން ބުނެއެވެ.
ބީއެމްއެލްއިން ބުނީ ކަނޑައެޅިފައިވާ ވަގުތުތަކުގެ ފަހުން ލިބޭ ރިކުއެސްޓް ޕްރޮސެސް ވާނީ ދެން ބޭންކު ހުޅުވޭ ދުވަހެއްގައި ކަމަށެވެ.
