އިތުރު ނުވަ މީހަކު ބަލިން ފަސޭހަވެއްޖެ
9 މެއި 2020 | ހޮނިހިރު 17:27ޖުމްލަ އަދަދު 29 އަށް ވަނީ އަރާފައި
އަލީ ސަމާޚް | 9 މެއި 2020 | ހޮނިހިރު 17:27
ކޮވިޑް-19 އަށް މީހަކު ޓެސްޓު ކުރުމުގެ ތެރެއިން
ރާއްޖެއިން ކޮވިޑް-19 ޖެހުނު މީހުންގެ ތެރެއިން އިތުރު 9 މީހަކު ބަލިން ފަސޭހަވެ، ބަލިން ރަނގަޅުވި މީހުންގެ އަދަދު 29 އަށް އަރައިފި އެވެ.
އެހެން ނަމަވެސް މި މީހުންނާއި ބެހޭ އިތުރު ތަފްސީލެއް އެންއީއޯސީން ހާމައެއް ނުކުރެއެވެ.
ރާއްޖޭގައި ކޮވިޑް-19 ޖެހޭ މީހުންގެ ތެރެއިން ކްރިޓިކަލް ހާލަތަށްދާ މިހުންނަށް ފަރުވާދެމުން ގެންދިޔައީ ދަރުމަވަންތަ ހޮސްޕިޓަލުގައެވެ. އޭގެތެރޭގައި މިހާރު ފަސް މީހަކަށް ދަނީ ފަރުވާދެމުންނެވެ. އެ އެންމެންވެސް ވަނީ ޓްރީޓޮޕް ހޮސްޕިޓަލަށް ބަދަލުކޮށްފައެވެ.
މި ބަލި ޖެހިގެން ރާއްޖެއިން ތިން މީހަކު ވަނީ މަރުވެފައެވެ. ކޮވިޑް-19 ގައި އެންމެ ބޮޑުވަރުވަނީ ދިގު މުއްދަތަށް ބޭސްކުރާ މީހުންގެ އިތުރުން 65 އަހަރުން މަތީގެ މީހުންނަށެވެ.
