އެޑެލް ހިކުމުގެ ސިއްރަކީ މިއީ

އިނގިރޭސި ލަވަކިޔުންތެރިޔާ އެޑެލް ވަނީ އޭނާގެ 32 އުފަންދުވަހުގެ ތަހުނިޔާ ކީ އެންމެންނަށް ޝުކުރު އަދާކޮށް އިންސްޓަގްރާމްގައި ޕޯސްޓެއް ޝެއަރ ކޮށްފައެވެ. އެޕޯސްޓާއެކު އޭނާ ހިއްސާ ކޮށްފައިވާ ފޮޓޮއިން ގިނަ ބަޔަކަށް ވަނީ ހައިރާން ކަމެއް ލިބިފައެވެ. އެ ފޮޓޯގައި އެޑެލްގެ ހަށިގަނޑަށް ވަނީ ބޮޑެތި ބަދަލުތަކެއް އައިސްފައެވެ. ކުރިން ފަލަކޮށް ހުންނަ އެޑެލް މި ފޮޓޯގައި ފެންނަނީ ވަރަށް ވެސް ލޫޅާފަތިކޮށެވެ.

އެޑެލް ހިއްސާކުރި މި ފޮޓޮއަކީ މިދިޔަ އަހަރުގެ އެޕްރީލް މަހު އެޑެލް، ފިރިމީހާ ސައިމަން ކޮނެކީއާއި ދެމީހުން ވަރިވި ފަހުން އޭނާ ހިއްސާކުރި ފުރަތަމަ ފޮޓޮއެވެ.

"ހެލޯ" މި ލަވަ ކިޔާފައިވާ ލަވަކިޔުންތެރިޔާ އެޑެލް ވަނީ ފާއިތުވި އަހަރެއްހާ ދުވަހުގެ ތެރޭގައި އޭނާގެ ގައިގެ ބަރުދަން 20 ކިލޯ ލުއިކޮށްލާފައެވެ.

ކޮންމެ އަކަސް ގްރެމީ އެވޯޑް ޙާޞިލުކޮށްފައިވާ ސުޕަރ ސްޓާރ އެޑެލްގެ ހަށިގަނޑަށް އައިސްފައިވާ މި ބަދަކަލީ އެނާ ކުރި ބުރަ މައްކަތުގެ ނަތީޖާއެވެ.

އެޑެލްގެ ފިޓްނަސް ކޯޗް ކެމިލާ ގޫޑިސް ބުނެފައިވާ ގޮތުން އެޑެލް އަކީ ކުރިން ކަސްރަތު ކުރާ ހިތްވާ ފަންނާނެއް ނޫނެވެ. "އެޑެލް ކަސްރަތުކުރަން ފެށުމުން އެކަން ޤަބޫލުކުރަންވެސް ދަތިވިކަމަށް އޭނާ ބުންޏެވެ. އެޑެލް ވަނީ އޭނާގެ ދިރިއުޅުމުގެ ވައްޓަފާޅިއަށް ބަދަލުތަކެއް ގެނެސް، ހިކެން %90 ޑައެޓް" ކޮށްފައިވާކަމަށް ފިޓްނަސް ކޯޗު ބުންޏެވެ،

ކޯޗު ބުނެފައިވަނީ އެޑެލް ހަފުތާއަކު ތިން ދުވަހު ކޮންމެ ދުވަހަކުވެސް ގަޑިއެއްހާއިރު ކަސްރަތު ކޮށްފައިވާ ކަމަށެވެ. އަދި ސާރޓްފުޑް ޑައެޓް ފޮލޯކުރިކަމަށް އޭނާ ވަނީ ބުނެފައެވެ. އެޑެލްގެ ޑައެޓްގައި ޢާންމުކޮށް ހިމެނޭ ބާވަތްތަކުގެ ތެރޭގައި ގްރީން ޓީ، ޑާރކް ޗޮކްލެޓް، އާފަލު، ސިޓްރަސް ފްރުޓްސް، ޕާސްލޭ، ޓާރމެރިކް، ބްލޫބެރީސް ފަދަ ތަކެއްޗެވެ.