ޝާހިދު ކަޕޫރުގެ ތުއްތު ދަރިފުޅު މޮޑެލްކުރުމާ މެދު ޝާހިދުގެ ޖަވާބަކީ މިއީ!
ޝާހިދު ބުނެފައިވަނީ ކައިރި މުސްތަގްބަލެއްގައި އެފަދަ އެއްވެސް ޕްލޭނެއް ނެތް ކަމަށް
ޝާހިދު ކަޕޫރާއި ދަރިފުޅު ނިޝާ
މިހާރު ކުރިއަށްދާ "ލަކްމޭ ފެޝަން ވީކް" ގައި ޝާހިދު ކަޕޫރާ ނޫސްވެރިއަކު ވަނީ ޝާހިދުގެ ދެ އަހަރުގެ ދަރިފުޅު މިޝާ ކައިރި މުސްތަގްބަލެއްގައި ރޭމްޕް ވާރކްގައި ފެނިދާނެތޯ ސުވާލު ކޮށްފައެވެ.
މި ސުވާލު ވެގެން ގޮސްފައި ވަނީ ޝާހިދަށް ވެސް ހައިރާންކަން ލިބިގެންދިޔަ ސުވާލަކަށެވެ. ސުވާލުކުރުމާ އެކު ޝާހިދުގެ ދެ ލޯ ބޮޑުވެ ފުރަތަމަ ވެސް ބުނެވުނީ "ރިއަލީ؟" މިހެންނެވެ. "ތި ސުވާލަށް ހަގީގަތުގައި ވެސް އަހަރެން ޖަވާބުދޭންވީތަ؟ އިނގޭތަ މިޝާގެ އުމުރުންވީ ކިތައް އަހަރު ކަމެއް؟ ޝާހިދު ސުވާލުކުރިއެވެ.
ޝާހިދު ބުނެފައި ވަނީ ކައިރި މުސްތަގްބަލެއްގައި އެފަދަ އެއްވެސް ޕްލޭނެއް ނެތް ކަމަށެވެ.
ނޫސްވެރިއާއާ މުޚާތަބްކޮށް ޝާހިދު ބުނެފައި ވަނީ އޭނާ މުސްކުޅިވެ ބޯ އެއްކޮށް ނުރަވުމުން، ޝާހިދުގެ ވެސް ހުރިހާ ދަތްތައް ވެއްޓުމުން އެވާހަކަ އަލުން ދައްކާނީ ކަމަށެވެ. މިވަގުތު ޕްލޭސްކޫލަށް ދިއުން ނިޝާ މާ އުފާވާ ކަމަށް ޝާހިދު ވަނީ ބުނެފައެވެ.
ނިޝާއަށް ދެ އަހަރު ފުރޭނީ އަންނަ އާދިއްތަ ދުވަހުއެވެ.
ރޭމްޕް ވާރކްގައި ޝާހިދު ލާފައި ވަނީ ކަޅު ކުލައިގެ ރޮނގުދެމި ސޫޓެކެވެ. ޝާހިދާ އެކު ރޭމްޕް ވާރކްގައި ފެނިގެން ގޮސްފައި ވަނީ ބޮލީވުޑްގެ ތަރި ދިޝާ ޕަޓާނީއެވެ. ދިޝާ ލާފައި ވަނީ ވިދާ ފޮތީގައި ފަހާފައި ހުރި ކަޅުކުލައިގެ ހެދުމެކެވެ.
