ތުލުސްދޫއިން ކޮވިޑް-19 އަށް އިތުރު ދެ ބިދޭސީއަކު ޕޮޒިޓިވްވެއްޖެ
3 ބިދޭސީއަކު މީގެ ކުރިން ޕޮޒިޓިވްވި
ތުލުސްދޫ މަތިން ނަގާފައިވާ މަންޒަރެއް
ކ. ތުލުސްދޫ އިން ކޮވިޑް-19 އަށް އިތުުރު ދެ ބިދޭސީއަކު ޕޮޒިޓިވްވެއްޖެއެވެ.
ރާއްޖެޓީވީގެ ކޮވިޑް-19 ގެ ކަވަރޭޖްގައި ވާހަކަ ދައްކަވަމުން ތުލުސްދޫ ކައުންސިލްގެ ރައީސް އަހުމަދު އަނީސް ވިދާޅުވީ، ޕޮޒިޓިވްވެފައިވާ ދެ ބިދޭސީންނަކީ ބަންގްލަދޭޝްގެ ދެ މީހުން ކަމަށެވެ.
އޭނާ ވިދާޅުވީ، އެ ދެ މީހުންނަކީ މީގެ ކުރިން އެ ރަށުން ޕޮޒިޓިވްވި ތިން ބިދޭސީންނާ އެއް ތަނެއްގައި ދިރިއުޅެމުން އަންނަ މީހުން ކަމަށެވެ. އެމީހުން އައިސޮލޭޝަނަށް ގެންދިޔުމުގެ މަސައްކަތް އެޗްޕީއޭއިން ކުރަމުންދާ ކަމަށް ކައުންސިލުން ބުންޏެވެ.
ތުލުސްދޫއިން ހުކުރު ދުވަހު ޕޮޒިޓިވްވި ދެ މީހުންނާއި އެކު އެ ރަށުން ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ ފަހަކަށް އަރާފައެވެ. ހުކުުރު ދުވަހު އެކަނިވެސް ބަންގްލަދޭޝް 67 މީހަކު ވަނީ ކޮވިޑް-19 އަށް ޕޮޒިޓިވްވެފައެވެ. އެ މީހުންގެ ތެރޭގައި ތުލުސްދޫއިން ޕޮޒިޓިވްވި މީހުން ހިމެނޭ ކަމެއް ނުވަތަ ނޫން ކަމެއް އެޗްޕީއޭއިން އަދި މިހާތަނަށް ހާމަކޮށްފައެއް ނުވެއެވެ.
