އިތުރު 86 މީހަކު ކޮވިޑް-19 އަށް ޕޮޒިޓިވްވެ، ޖުމުލަ އަދަދު 734ށް!
8 މެއި 2020 | ހުކުރު 12:34ބަނގްލަދޭޝްއަށް ނިސްބަތްވާ 67 މީހުންނާއި، އިންޑިއާއަށް ނިސްބަތްވާ 3 މީހުން ހިމެނޭ
ލައިޝާ އަހްމަދު | 8 މެއި 2020 | ހުކުރު 12:34
އައިޖީއެމްއެޗް ލެބްގައި ކޮވިޑް-19 އަށް ޓެސްޓް ކުރަނީ، އަދިވެސް ގިނަ ސާމްޕަލް ތަކެއްގެ ނަތީޖާ ޕެންޑިންގައި ވޭ
ރާއްޖެއިން އިތުރު 86 މީހަކު ކޮވިޑް-19 ޕޮޒިޓިވްވެއްޖެ އެވެ.
ހުކުރު ދުވަހުގެ ހަވީރު ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން ކުރި ޓްވީޓެއްގައި ބުނީ، ހުކުރު ދުވަހުގެ ހަވީރު 05:00 ގެ ނިޔަލަށް އިތުރު 86 ކޭސް ފެނިފައިވާ ކަމަށެވެ. އޭގެ ތެރޭގައި ހިމެނެނީ ބަނގްލަދޭޝްއަށް ނިސްބަތްވާ 67 މީހުންނާއި، އިންޑިއާއަށް ނިސްބަތްވާ 3 މީހުންނާއި، 14 ދިވެހިންނާއި، ސްރީލަންކާ ރައްޔިތެއްގެ އިތުރުން، ނޭޕާލްއަށް ނިސްބަތްވާ މީހެއް ކަމަށެވެ.
އެއާއެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ ޖުމުލަ އަދަދު ވަނީ 734ށް އަރާފައެވެ.
