ޗިކަން މަލާއި ޓިއްކާ

ޗިކަން މަލާއި ޓިއްކާ ތަރުކާރި ބަތާ އެއްކޮށް ކާލަން ވަރަށް މީރުވާނެއެވެ.

ބޯތައްޓެއްގެ ތެރެއަށް ޔޯގަޓް، ފްރެޝް މިލްކް، ޗީޒް، އިނގުރު, ލޮނުމެދު, ގްރީން ޗިލީ ޕޭސްޓް، އޮރިގާނޯ، ގަރަމް މަސާލާ، ލެމަން ޖޫސް ދެން ރަހަލާވަރަށް ލޮނާއި ކުކުޅު އެޅުމަށްފަހު، ރަނގަޅަށް އެއްކޮށްލާށެވެ. އެއަށްފަހު އެއްގަޑިއިރަށް މެރިނޭޓްކޮށްލުމަށްފަހު، މެރިނޭޓްކުރި ކުކުޅުގެ ތެރެއަށް ކޯންފްލަރ، ތެޔޮ އެޅުމަށްފަހު، އެއްކޮށްލާށެވެ. ދެން އިލޮށިކޮޅަކަށް އަމުނާލުމަށްފަހު، 180 ޑިގްރީގައި 15 މިނިޓް ފިހެލާށެވެ.

އެއަށްފަހު ތަވައެއްގައި ބަޓަރު ހާކާލުމަށްފަހު، އަމުނާލި ކުކުޅުތައް އަތުރާލާށެވެ. ދެން މަތިޖަހާފައި ގިނިގަދަކޮށް 2 މިނިޓް ބެހެއްޓުމަށްފަހު، ކުކުޅު އަނެއް ފުށަށް ޖަހާށެވެ. މިފަހަރު ގިނ މަޑުކޮށް މަތިޖާހާފައި 5 މިނިޓް ބަހައްޓާށެވެ.

ދެން ރަނގަޅަށް ފިހެވުމުން އުނދުން މަތިން ނަގާށެވެ. ބާބަކިއު ހަދާހެން އުނދުނުގެ އަލިފާން ރޯކުރުމަށްފަހު އަލިފާނުގެ ތެރެއަށް ދިއްކޮށްލުމަށްފަހު އިތުރަށް ފިހެލެވިދާނެއެވެ.