ދަށު ގްރޭޑްތަކުގެ ދަރިވަރުންނާއި ޓިޗަރުންގެ މުއާމާލަތްތައް ދެމެހެއްޓުން މުހިންމު: މަބްރޫކް
6 މެއި 2020 | ބުދަ 08:48ދަރިވަރުންގެ ކަންކަން އެޑިއުކޭޝަން މިނިސްޓްރީ ދަނީ ބަލަމުން
ދަށުގެ ގްރޭޑަކަށް ކިޔަވާދިނުމުގެ މަސައްކަތް ކުރަނީ
ކޮވިޑް-19އާ ގުޅިގެން ކްލާސްތައް މެދުކެނޑިފައި އޮތް ނަމަވެސް ދަށުގެ ގްރޭޑް ދަރިވަރުންނާއި، ޓީޗަރުން މުޢާމަލާތްކޮށް، އެގުޅުން ބޭއްވުމަކީ ވަރަށް މުހިންމުކަމެއް ކަމަށް ކޮވިޑް-19 ޓާސްކްފޯހުގެ ތަރުޖަމާނު މަބްރޫކު ޢަޒީޒް ވިދާޅުވެއްޖެއެވެ.
އަންގާރަ ދުވަހުގެރޭ ނޭޝަނަލް އިމަރޖެންސީ އޮޕަރޭޝަންސް ސެންޓަރ (އެންއީއޯސީ)ގައި ބޭއްވި ނޫސްވެރިންގެ ބައްދަލުވުމުގައި މަބްރޫކް ވިދާޅުވީ ކްލާސްތައް މެދުކެނޑިފައި އޮތް ނަމަވެސް ޓީޗަރުންނާއި، ދަރިވަރުންގެ ގުޅުން ދެމެހެއްޓަން އެޑިއުކޭޝަން މިނިސްޓްރީން މަސައްކަތް ކުރަމުންދާ ކަަމަށެވެ. އަދި ދަރިވަރުންގެ ކަންކަން ވަރަށް ގާތުން އެޑިއުކޭޝަން މިނިސްޓްރީން ބަދަލުމުންދާ ކަމަށް މަބްރޫކް ވިދާޅުވިއެވެ.
އެގޮތުން ދަށުގެ ގްރޭޑް ކްލާސްތަކަށް ހިންގުމުގައި މަސައްކަތް ކުރަނީ އެކުދިންނާ ޓީޗަރުންނާ ދެމެދު މުޢާމަލާތްކުރެވޭ މިންވަރު އިތުރުުކުރުމަށް ކަމަށެވެ. އަދި އެ "އެންގޭޖްމެންޓް" ކޮންމެ ދުވަހަކު ވެސް ހިންގުން މުހިންމު ކަމެއްކަން މަބްރޫކް ފާހަގަކުރެއްވިއެވެ.
ކޮވިޑް-19އާ ގުޅިގެން ހުރިހާ ސްކޫލުތަކެއް ކިޔެވުން ވަނީ މެދުކަނޑާލާފައެވެ. ނަމަވެސް ގްރޭޑް 10ގެ ކުދިންނަށާއި، އޭ.އެސް ލެވެލް އިމްތިޙާންގައި ބައިވެރިވާ ދަރިވަރުންނަށް ޚާއްޞަ ސަމާލުކަމެއްދީގެން ޕްރޮގުރާމުތައް ކުރިއަށް ގެންދާނެ ކަމަށް މަބްރޫކް ވިދާޅުވިއެވެ.
