މިރެސިޕީއަކީ ބްރައުނީސް ކަމުދާ ފަރާތްތަކަށް ވަރަށް ކަމުދާނެ ރެސިޕީއެކެވެ.

އެންމެ ފުރަތަމަ ކޮކޯ، ހަކުރު އަދި ތެޔޮ ތައްޓެއްގައި ގިރާލާށެވެ. އެއަށްފަހު ފަހަރަކު ބިހެއް ތައްޓަށް ތަޅާލާފައި އެއްކޮށް ގިރުނީމައި ވެނީލާ އަޅާލާށެވެ.

ވަކި ތައްޓެއްގައި ފުށް، ލޮނު އަދި ބޭކިންގ ޕައުޑަރ އެއްކޮށްލާށެވެ. މި މިކްސް ދިޔާ ތަކެތި ތެރެޔަށް އެއްކޮށްލުމަށްފަހު ރަނގަޅަށް އެއްކޮށްލާށެވެ. އެއްކޮށް ނިމޭއިރު ހުންނަންވާނީ ފުށްގަނޑެއްހެނެވެ.

ތަށީގެ މަތި ޖަހާފައި 4-8 ގަޑިއިރު ފިނިކުރަން ފުރިޖަށްލާށެވެ (ގަނޑުކުރާބަޔަށް). ރަނގަޅަށް ފިނިވުމުން ފުށްގަނޑު 2 ސަމްސަލުގެ އެތިކޮޅުކޮޅުން ގުޅަވަށާށެވެ.

ހުރިހާ ގުޅަތަކެއް އައިސިންގ ހަކުރު ތެރޭގައި ރޯލް ކުރުމަށްފަހު ޓްރޭއެއްގައި އަތުރާފައި 12 - 15 މިނެޓް ވަންދެން 150 ޑިގްރީސް ސެލްސިއަސްގެ އަވަނެއްގައި ފިހެލާށެވެ. ފިހެ ނިމޭއިރު ހުންނާނީ ފުދޭވަރަކަށް މަޑުކޮށެވެ. އެކަމަކު ހިހޫވުމުން ހަރުވާނެެއެވެ.