ކޮވިޑް-19 އަށް އިތުރު 6 މީހަކު ޕޮޒިޓިވްވެ، ޖުމްލަ އަދަދު 551ށް
4 މެއި 2020 | ހޯމަ 19:33އޭގެތެރޭގައި ހިމެނެނީ ދިވެހިންނާއި، ބަންގްލަދޭޝް މީހުން
އެޗްޕީއޭގެ ފަރާތުން ރެންޑަމް ސާމްޕަލިންގގެ މަސައްކަތް ކުރިއަށްގެންދަނީ
ރާއްޖެއިން ކޮވިޑް-19 އަށް އިތުރު 6 މީހަކު ޕޮޒިޓިވްވެއްޖެ އެވެ.
އާދިއްތަ ދުވަހުގެރޭ ކުރިޔަށްދިޔަ ނޫސްވެރިންގެ ބައްދަލުވުމުގައި މަބްރޫކް ވިދާޅުވީ 4 މީހަކު ޕޮޒިޓިވްވެ ޖުމްލަ އަދަދު 545ށް އަރާފައިވާ ކަމަށެވެ.
އޭގެފަހުން އެޗްޕީއޭއިން ކުރި ޓުވީޓެއްގައި ބުނީ މެއި 4 ވަނަ ދުވަހުގެ 11:45 އާއި ހަމައަށް 10 މީހަކު ޕޮޒިޓިވްވެ، ޖުމްލަ އަދަދު 551ށް އަރާފައިވާކަމަށެވެ. އަދި އޭގެތެރޭގައި ހިމެނެނީ 5 ދިވެހިންނާއި، ބަންގަލަދޭޝްއަށް ނިސްބަތްވާ 5 މީހުންކަމަށެވެ.
އެޗްޕީއެގެ ޑޭޝްބޯޑުގައި ހުރި މައުލޫމާތުތައް ދައްކާގޮތުން ހޯމަ ދުވަހު ބައްޔަށް ޕޮޒިޓިވްވެފައިވަނީ ޖުމްލަ 20 މީހަކު އެވެ.
ރާއްޖެއިން ބަޔަށް ޕޮޒިޓިވްވި މީހުންގެ ތެރޭގައި ގިނައިން ހިމެނެނީ ބަންގްލަދޭޝްގެ ރައްޔިތުންނެވެ. އެއީ ރާއްޖެއިން ޕޮޒިޓިވްވި މީހުންގެ 51 އިންސައްތަ އެވެ.
ބަލި ޖެހުނު މީހުންގެތެރެއިން މިހާތަނަށް ބަލިން ރަނގަޅުވެފަިއވަނީ 18 މީހަކު އެވެ. އަދި ދެންތިބި އެންމެންނަށް ފަރުވާދެމުން އަންނައިރު، ހޮސްޕިޓަލުގައި އެދުމަތިކޮށްގެން ފަރުވާދެނީ 6 މީހަކަށެވެ. ހޯމަ ދުވަހުގެރޭ ބޭއްވި ނޫސްވެރިންގެ ބައްދަލުވުމުގައި ޑރ. އަފްޒަލް ވިދާޅުވީ އޭގެތެރެއިން 3 މީހެއްގެ ހާލު ރަނގަޅުކަމަށެވެ.
