ރާއްޖެއިން ކޮވިޑް-19 ޖެހުނު އިތުރު މީހަކު ރަނގަޅުވެ، ވައިރަސް ޖެހިގެން ރަނގަޅުވި މީހުންގެ ޖުމުލަ އަދަދު 18ށް އަރައިފިއެވެ.

ހެލްތް ޕްރޮޓެކްޝަން އޭޖެންސީން ކޮވިޑް-19 އާ ގުޅިގެން އާންމުކުރި އެންމެ ފަހުގެ މައުލޫމާތުތައް ދައްކާގޮތުން ހޮނިހިރު ދުވަހު ރާއްޖެއިން އިތުރު މީހަކު ވަނީ ބަލިން ރަނގަޅުވެފައެވެ. އެއާއެކު ރާއްޖެއިން ޕޮޒިޓިވްވި 519 މީހުންގެ ތެރެއިން މިވަގުތު ފަރުވާދެމުންދާ މީހުންގެ އަދަދު ވަނީ 498ށް އަރާފައެވެ.

ރާއްޖެއިން މިހާތަނަށް 519 މީހުން ވައިރަސްއަށް ޕޮޒިޓިވްވެފައިވާއިރު، އެ ކޭސްތަކާއި ގުޅިގެން މިހާތަނަށް 8429 ސާމްޕަލްއެއް ނެގިފައިވާކަމަށް ކޮވިޑް-19 ޓާސްކްފޯހުގެ ތަރުޖަމާނު މަބްރޫކު އަޒީޒް ވިދާޅުވެފައިވެއެވެ. އޭގެ ތެރެއިން 7700 މީހުންގެ ނަތީޖާ ނެގެޓިވްވެފައިވާއިރު، ނަތީޖާ ނުލިބި 215 ސާމްޕަލްއެއް އެބަހުރިކަންވެސް މަބްރޫކު ފާހަގަކުރެއްވިއެވެ.

މިހާތަަނަށް ރާއްޖެއިން ޕޮޒިޓިވްވި މީހުންގެ ތެރޭގައި ހިމެނެނީ 176 ދިވެހިންނާއި، 343 ބިދޭސީންނެވެ.