ބަނޑޭރި ޕޯޓަލް މެދުވެރިކޮށް އެހީތެރިކަން ފޯރުކޮށްދެވޭނެ އިންތިޒާމު ހަމަޖައްސައިފި
1 މެއި 2020 | ހުކުރު 12:27ބަނޑޭރި ޕޭ މެދުވެރިކޮށް އެހީތެރިކަން ފޯރުކޮށްދެވޭނެ
ވަގުތީ ހިޔާގައި ތިބި މީހުންނަށް ކާބޯތަކެތި ފޯރުކޮށްދިނުމަށް މަސައްކަތް ކުރަނީ
ކޮވިޑް-19އާ ގުޅިގެން އެހީ ބޭނުންވާ މީހުންނަށް އެހީތެރިކަން ފޯރުކޮށްދެވޭނެ އިންތިޒާމު ޖެންޑަރ މިނިސްޓްރީން ހަމަޖައްސައިފިއެވެ.
ޖެންޑަރ މިނިސްޓްރީން ބުނީ އެހީތެރިކަމަށް ބޭނުން ޖެހިފައިވާ ޢާއިލާތަކާއި މީހުންނަށް އެހީ ފޯރުކޮށްދިނުމުގެ އިންތިޒާމު މިނިސްޓްރީ އޮފް ފިނޭންސްގެ ބަނޑޭރި ޕޭ މެދުވެރިކޮށް ހަމަޖެހިފައިވާ ކަމަށެވެ.
އެހީ ދޭން ބޭނުންވާ މީހުން ބަނޑޭރި ޕޭގެ ވެބްސައިޓް bandeyripay.finance.gov.mvށް ވަނުމަށް ފަހު ޕޭމަންޓް ރިކުއެސްޓް ފޯމު ފުރަންޖެހެއެވެ. އަދި ޑޮނޭޝަން ޓައިޕްއަށް ދިއުމަށްފަހު ސޯޝަލް ސަރވިސްއަށް ފޯމް ސަބްމިޓް ކުރުމުން އެމީހުންނަށް ޕޭމަންޓު ޕޯޓަލްއިން ފައިސާ ހަދިޔާ ކުރުމަށް ބޭނުންވާ ލިންކާއެކު އީމެއިލްއެއް ލިބޭނެއެވެ.
މިކަމާ ގުޅޭ އިތުރު މަޢުލޫމާތު ހޯދުމަށް 3328393 އަށް ގުޅުމަށް ވެސް މިނިސްޓްރީން ވަނީ އެދިފައިވެއެވެ.
މިދަނޑިވަޅުގައި ގިނަބައެއްގެ އެހީތެރިކަން ލިބެމުން އަންނަކަން ފާހަގަކޮށް ޖެންޑަރ މިނިސްޓްރީން ވަނީ އެފަރާތްތަކަށް ޝުކުރު އަދާކޮށްފައެވެ.
މާލެސިޓީ ފުރަބަންދުކުރުމާއި ގުޅިގެން އެކި ބޭނުންތަކަށް މާލެ އައިސް، ޙާލުގައި ޖެހިފައިވާ މީހުންގެ ތެރެއިން މިނިސްޓްރީއަށް ރިޕޯޓުކޮށްފައިވާ މީހުންނަށް ވަގުތީ ބޯހިޔާވަހިކަމާއި ކެއިންބުއިމުގެ އިންތިޒާމުތައް ފޯރުކޮށްދިނުމުގެ މަސައްކަތް ޖެންޑަރ މިނިސްޓްރީން ކުރަމުންއެބަދެއެވެ.
ވަގުތީ ހިޔާތަކުގެގޮތުގައި މާލެސިޓީ ޞަރަޙައްދުގެ ބައެއް ސްކޫލުތައް ބޭނުން ކުރަމުންދާއިރު، އެންމެ ގިނައިން ހުށަހަޅާފައިވަނީ ބޯހިޔާވަހިކަމާއި ގުޅޭ މައްސަލަތައް ކަމަށްވެސް މިނިސްޓްރީން ބުނެއެވެ.
އޭގެތެރޭގައި ކުލި ނުދެއްކިގެން މަގުމަތިވި މީހުންވެސް ހިމެނެއެވެ.
