ދިޔަވަމުންދާ ދެ ދޯންޏަކަށް އެމްއެންޑީއެފް އިން އެހީތެރިކަން ފޯރުކޮށްދެނީ
1 ޖޫން 2017 | ބުރާސްފަތި 12:42އެއް ދޯނީގައި ތިން މީހުން ތިބި
އެމްއެންޑީއެފް ކޯސްޓްގާޑް
މާލެ ކައިރިއަށް ދިޔަވަމުންދާ ދެ ދޯންޏަކަށް މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) ގެ ކޯސްޓްގާޑް އިން އެހީތެރިކަން ފޯރުކޮށްދޭން ފަށައިފިއެވެ.
އެމްއެންޑީއެފްހެ މީޑިއާ އޮފިޝަލް ވިދާޅުވީ ތިން މީހުންނާއެކު ދަތުރުކުރި "ރޯދި" ނަމަކަށް ކިޔާ މުދާ އުފުލާ ސަޕްލައި ދޯންޏެއް އދ ރަންވެއްޔަށް ދަތުރުކުރަނިކޮށް މާލެ އަތޮޅު ފިހާޅޮހި ކައިރިއަށް ދިޔަވާން ފަށާފައިވާ ކަމަށެވެ.
ހަމައެހެންމެ "އަކިރިސް" ނަމަކަށް ކިޔާ ބޯޓެއް މާލެއިން ފުރައިގެން ވ ކެޔޮދޫއަށް ދަތުރުކުރަމުން ދަނިކޮށް ކ ގުރައިދޫ ކައިރިއަށް ދިޔަވާން ފަށާފައިވާ ކަަމަށް އެމްއެންޑީއެފްގެ އޮފިޝަލް ވިދާޅުވިއެވެ.
އޮފިޝަލް ވިދާޅުވީ މިހާރު އެ ސަރަހައްދުގައި އެމްއެންޑީއެފް ކޯސްޓްގާޑް ހަރަކާތްތެރިވަމުންދާ ކަމަށެވެ. އަދި މިހާދިސާ ދިމާވީ ކަނޑުގަދަވުމުގެ ސަބަބުން ކަމަށް އޮފިޝަލް ވިދާޅުވިއެވެ.
