ތިނަދޫން މަރުވި ދެ މީހުންގެ ސާމްޕަލްގެ ނަތީޖާ ނެގެޓިވް
1 މެއި 2020 | ހުކުރު 06:48މަރުވީ 78 އަހަރުގެ މީހަކާއި 87 އަހަރުގެ މީހެއް
ގދ. ތިނަދޫ ޑރ. އަބްދުއްސަމަދު މެމޯރިއަލް ހޮސްޕިޓަލް
ގދ. ތިނަދޫން މަރުވި އުމުރުން ދުވަސްވި ދެމީހުން ކޮވިޑް-19 އަށް ނެގެޓިވްވެފައިވާ ކަމަށް ނެޝަަނަލް އިމަރޖެެންސީ އޮޕަރޭޝަން ސެންޓަރ (އެންއީއޯސީ) އިން ބުނެފިއެވެ.
ތިނަދޫ ޑރ. އަބްދުއްސަމަދު މެމޯރިއަލް ހޮސްޕިޓަލުގައި ފަރުވާދެމުން ދަނިކޮށް އޭޕްރިލް މަހުގެ 30 ވަނަ ދުވަހު އުމުރުން 78 އަހަރުގެ މީހަކު ވަނީ މަރުވެފައެވެ. އަދި 28 ވަނަ ދުވަހު އުމުުރުން 87 އަހަރުގެ މީހަކުވެސް ވަނީ މަރުވެފައެވެ.
ބުރާސްފަތި ދުވަހުގެރޭ އެންއީއޯސީގައި ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވީ، އެ ދެމީހުންގެ ސާމްޕަލްވެސް ކޮވިޑް-19 އަށް ނެގެޓިވްވެފައިވާ ކަަމަށެވެ.
އެ ދެމީހުންގެ ތެރެއިން 28 ވަނަ ދުވަނަ މަރުވި 87 އަހަރުގެ މީހާ އެ ހޮސްޕިޓަލުގައި އެޑްމިޓްކޮށްފައިވަނީ "ސާރީ" (ސިވިއަރ އެކިއުޓް ރެސްޕިރޭޓަރީ އިންފެކްޝަން ) ގެ އަލާމާތްތައް ހުރުމާއި ގުޅިގެންނެވެ. އެޗްޕީއޭގެ އިރުޝާދުގެ ދަށުން ކޮވިޑް-19 އަށް ޓެސްޓްކުރުމަށް އެ މިހާ ސާމްޕަލް ނެގިއެވެ.
