ބަންގްލަދޭޝްގެ އިތުރު 72 މީހަކު ކޮވިޑް-19 އަށް ޕޮޒިޓިވްވެއްޖެ، ނިސްބަތްވަނީ އެއް ކްލަސްޓަރއަކަށް

ރާއްޖެއިން އިތުރު 72 މީހަކު ކޮވިޑް-19 އަށް ޕޮޒިޓިވްވެއްޖެއެވެ.

އެކަން ހާމަކޮށްފައިވަނީ ހެލްތް ޕްރޮޓެކްޝަން އޭޖެންސީގެ ކޮވިޑް-19 މައުލޫމާތު ގެނެސްދޭ ދޭޝްބޯޑުގައެވެ. އެއާއެކު ރާއްޖެއިން ޕޮޒިޓިވްވި މީހުންގެ ޖުމުލަ އަދަދު ވަނީ 468 އަށް އަރާފައެވެ.

އެއް ކްލަސްޓަރއަކަށް ނިސްބަތްވާ މި 72 މީހުންނަކީވެސް ބަނގްލަދޭޝްއަށް ނިސްބަތްވާ މީހުންނެވެ.

ރާއްޖެއިން ޕޮޒިޓިވްވެފައިވާ މީހުންގެ ތެރެއިންވެސް އެންމެ ގިނައީ ބަނގްލަދޭޝްއަށް ނިސްބަތްވާ ރައްޔިތުންނެވެ. ޖުމުލަ ކޭސްތަކުގެ 53 އިންސައްތައަކީ އެ ޤައުމުގެ ރައްޔިތުންނެވެ.

ބުރާސްފަތި ދުވަހު ރިޕޯޓްކުރެވުނު ކްލަސްޓަރތައް ގުޅެނީ ބަލި ފެތުރުމުގެ ހިރާސް ބޮޑުކަމަށް ފާހަގަކުރެވި، މޮނިޓަރިންގއަށް ލެވިފައިވާ ތަންތަނުންނެވެ.

ރާއްޖެއިން މިހާތަނަށް ފެނިފައިވާ ޕޮޒިޓިވް ކޭސްތަކުގެ ތެރެއިން 30 އިންސައްތަ ހިއްސާކުރަނީ ދިވެހިންނެވެ.