އިތުރު 6 މީހަކު ރާއްޖެއިން ކޮވިޑް-19 އަށް ޕޮޒިޓިވް ވެއްޖެ، ޖުމްލަ އަދަދު 220 ށް
ރާއްޖެއިން ޕޮޒިޓިވްވި މީހުންގެ އަދަދު ވަނީ 220 ށް އަރާފައި
އާއިޝަތު ޝިއުރާ | 27 އެޕްރީލު 2020 | ހޯމަ 11:34
އައިޖީއެމްއެޗް ލެބޯޓްރީ
ކޮވިޑް-19 އަށް ރާއްޖެއިން އިތުރު 6 މީހަކު ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީން ހާމަކޮށްފި އެވެ.
ހޯމަ ދުވަހު ޕޮޒިޓިވްވެފައިވަނީ 4 ދިވެހިންނާއި ބަންގްލަދޭޝް މީހަކާއި ޕާކިސްތާނުގެ މީހެކެވެ.
އެއާއެކު މިހާތަނަށް ކޮވިޑް-19 އަށް ޕޮޒިޓިވްވި ދިވެހިންގެ އަދަދު މިވަނީ 84 ށް އަރާފައެވެ. ބަންގްލަދޭޝް މީހުންގެ އަދަދަކީ 103 މީހުންނެވެ. ޖުމްލަ މިހާތަނަށް ރާއްޖެއިން ޕޮޒިޓިވްވި މީހުންގެ އަދަދު ވަނީ 220 ށް އަރާފަ އެވެ.
ކޮވިޑް-19 ޖެހިގެން ރާއްޖެއިން މިހާތަނަށް އެންމެ ގިނަ އަދަދެއްގެ މީހުން ފެނިފައިވަނީ އާދިއްތަ ދުވަހު އެވެ. އެއީ 73 މީހުންނެވެ. ހޯމަ ދުވަހުގެ މިހާތަނަށް ފެނިފައި މިވަނީ 6 މީހުންނެވެ.
