ވޭތުވެދިޔަ 4 ދުވަސްތެރޭގައި 185 މީހުން މާލެ އައިސްފައިވޭ
މާލެއަށް އަންނަނީ މޯނީޓަރިންގައި އޮތް ރަށްތަކުންތޯ ބަލާނެ
އެސިސްޓެންޓް ކޮމިޝަނަރ އޮފް ޕޮލިސް އިސްމާއިލް ނަވީން
ވޭތުވެ ދިޔަ ހަތަރު ދުވަހުގެތެރޭގައި 185 މީހުން މާލެއައިސްފައިވާ ކަމަށް އެސިސްޓެންޓް ކޮމިޝަނަރ އޮފް ޕޮލިސް އިސްމާއިލް ނަވީން ވިދާޅުވެއްޖެއެވެ.
އާދީއްތަ ދުވަހު ނެޝަނަލް އިމަރޖެންސީ އޮޕަރޭޝަން ސެންޓަރުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ނަވީން ވިދާޅުވީ ފާއިތުވެދިޔަ ހަތަރު ދުވަހުގެ ތެރޭގައި ރިސޯޓުތަކުންނާއި ސަފާރީތަކުގެ އިތުރުން ރަށްރަށުން 185 މީހުން މާލެ އައިސްފައިވާކަމަށެވެ.
މާލެ ފުރަބަންދުކޮށްފައިވާއިރު، މާލެ އަށް އަރާފޭބުމުގެ އުޞޫލާއި ގުޅިގެން ވާހަކަދައްކަވަމުން ނަވީން ވިދާޅުވީ މާލެއަށް އެރުމަށް ހުއްދަދެނީ ވަކި ކަންތައްތަކަށް ބެލުމަށްފަހުގައިކަމަށެވެ. އެގޮތުން، މާލެއަށް އަންނަނީ މޮނީޓަރިންގައި އޮތް ރަށްތަކުންތޯ ބަލާނެ ކަމަށެވެ.
ނަވީން ވިދާޅުވީ އެމީހުން މާލެ އައިސް ތިބެނީ ކޮންތަނެއްގައި ތޯވެސް ބަލާނެކަމަށެވެ. އެގޮތުން އެގެއަކީ މޮނީޓަރިން ނުވަތަ ކަރަންޓީނުގައި އޮތް ގެއެއްތޯ ބަލާނެކަމަށެވެ.
