ބޯހިޔާވަހިކަން ބޭނުންވާ 136 ފަރާތަކަށް ވަގުތީ ހިޔާ ހަމަޖައްސައިދީފި
ރިސޯޓުތަކުގައި ވަޒީފާ އަދާކުރާ 13 މީހުން ދަނީ ވަގުތީ ހިޔާތަކުގައި ބޯހިޔާވަހިކަން ހޯދަމުން
ވަގުތީ ހިޔާތަކުގެ ބޭނުންކުރާ ސްކޫލްތަކުގެ ތެރެއިން އެއް ސްކޫލް
ބޯހިޔާވަހިކަން ބޭނުންވާ 136 ފަރާތަކަށް މިހައިތަނަށް ވަގުތީ ހިޔާތަކުގައި އެ އިންތިޒާމު ހަމަޖައްސައި ދީފައިވާކަމަށް މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސް އިން ބުނެފިއެވެ.
ޖެންޑަރ މިނިސްޓްރީން ހޮނިހިރު ދުވަހު އާއްމުކުރި ތަފާސްހިސާބުތަކަށް ބަލާލާއިރު މާލެ ސަރަޙައްދުގައި ތިބި ރިސޯޓުތަކުގައި ވަޒީފާ އަދާކުރާ 13 މީހުން ދަނީ ވަގުތީ ހިޔާތަކުގައި ބޯހިޔާވަހިކަން ހޯދަމުންނެވެ.
ޖަލު ބަންދަށް ފަހު މާލެ ސަރަޙައްދުގައި ތިބި 11 މީހުން ވަގުތީ ހިޔާތަކުގައި ބޯހިޔާވަހިކަން ހޯދަމުންދާއިރު ގެއިން ނުކުންނަށް ޖެހިގެން ހާލުގައި ޖެހިފައިވާ 6 މީހަކުވެސް ވަގުތީ ހިޔާތަކުގައި އެބަތިއްބެވެ.
ބޯހިޔާވަހިކަމެއްނެތި މަގުމަތީގައި އުޅެމުންދިޔަ 16 މީހުން ވަގުތީ ހިޔާތަކުގައި ތިބިއިރު ބޭސްފަރުވާ ހޯދުމަށް ޓަކައި މާލެ ސަރަޙައްދަށް ޒިޔާރަތްކުރި 14 މީހުން ވަގުތީ ހިޔާތަކުގައި ތިބި ކަމަށްވެސް ޖެންޑަރ އިން ބުންޏެވެ.
އެހެނިހެން ބޭނުންތަކުގައި މާލެ ސަރަޙައްދަށް ޒިޔާރަތްކުރި 9 މީހުން މި ހިޔާތަކުގައި ތިބިއިރު މަސްތުވާތަކެއްޗާ ގުޅުން ހުރި 20 މީހުން ވަގުތީ ހިޔާތަކުގައި އެބަތިބި ކަމަށްވެސް ޖެންޑަރ އިން ބުންޏެވެ.
