މިވަގުތު މޮނިޓަރިންގެ ހާލަތުގައި 14 ރަށަކާއި 251 ގެއެއް
25 އެޕްރީލު 2020 | ހޮނިހިރު 13:28ކަރަންޓީނުކޮށްފައި ހުރި ފިހާރަތަކާއި ގޯޑައުންތައް އަދި ކްލިނިކްތަކުގެ ޖުމްލަ އަދަދަކީ 30
މާލޭގެ ސަރަހައްދެއް ކޯޑަންކޮށްފައި
އޭޕްރީލް 25 ވަނަ ދުވަހުގެ ހަވީރު 15:50 އާ ހަމައަށް ރާއްޖެއިން 251 ގެޔަކާއި 14 ރަށެއް މޮނިޓަރިންގ/ކަރަންޓީނު ހާލަތުގައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފި އެވެ.
އެޗްޕީއޭ ހާމަކޮށްފައިވާ ލިސްޓުގައި ހުރި ގެތަކަށް ބަލާއިރު މޮނިޓަރިންގެ ހާލަތުގައި މާލޭގެ އެކި ގެތަކާއި ހުޅުމާލެ އަދި ވިލިމާލޭގެ ގެތައްވެސް ހިމެނެ އެވެ. މީގެއިތުރުން ރާއްޖޭގެ އުތުރާއި މެދުރާއްޖެ ތެރެ އަދި ދެކުނުގެ ރަށްރަށުގެ މީހުންވެސް ހިމެނެ އެވެ.
ކަރަންޓީނުކޮށްފައި ހުރި ފިހާރަތަކާއި ގޯޑައުންތައް އަދި ކްލިނިކްތަކުގެ ޖުމްލަ އަދަދަކީ 30 އެވެ. މީގެތެރޭގައި މާލޭގައި ގިނަ ބަޔަކު ވިޔަފާރިކުރުމަށް ދާ ފިހާރަތައްވެސް ހިމެނެއެވެ.
މޮނިޓަރިންގ ނުވަތަ ކަރަންޓީނު ކޮށްފައިވާ ރަށްރަށުގެ އަދަދު މާލެ ސިޓީ ހިމެނޭގޮތަށް މިހާރު 14 އަށް އަރައެވެ. މީގެތެރޭގައި ޕޮޒިޓިވް ވި މީހުން ދިރިއުޅޭ ރަށްރަށާއި އެމީހުންގެ ހަށިގަނޑުގައި ވައިރަސް ހުރިކަމަށް ބެލެވޭ މުއްދަތުގައި ގޮސްފައިހުރި، އެމީހުންނާއި ކްލޯޒް ކޮންޓެކްޓް ވި މީހުން ތިބި ރަށްރަށްވެސް ހިމެނެއެވެ.
މިއީ އެޗްޕީއޭއިން ހާމޮށްފައިވާ ލިސްޓަށް ވާއިރު ބައެއް ރަށްރަށުގެ ކައުންސިލްތަކުން އަމިއްލައަށްވެސް އަންނަނީ އެރަށްރަށް ލޮކްޑައުންކޮށް ރައްކާތެރިކަމުގެ ފިޔަވަޅުތައް އަޅަމުންނެވެ.
ރާއްޖޭގައި މިހާތަނަށް އައިއިރު 137 މީހަކު ވަނީ ވައިރަސް އަށް ޕޮޒިޓިވް ވެފައެވެ.
