އިތުރު މީހަކު ކޮވިޑް-19 އަށް ޕޮޒިޓިވްވެއްޖެ، ޖުމްލަ އަދަދު 129 އަށް!
24 އެޕްރީލު 2020 | ހުކުރު 22:08އެމީހާއަކީ ބިދޭސީއެއް
އުމްނާ އިސްމާއިލް | 24 އެޕްރީލު 2020 | ހުކުރު 22:08
މާލޭގެ މަގުމަތި
އިތުރު މީހަކު ރާއްޖެއިން ކޮވިޑް-19 އަށް ޕޮޒިޓިވްވެއްޖެއެވެ.
މިއާއި އެކު ރާއްޖެއިން ފެނުނު ކޮވިޑް-19ގެ ކޭސްތަކުގެ އަދަދު ވަނީ 129 އަށް އަރާފައެވެ.
ހުކުރު ދުވަހުގެރޭ ދަރުބާރުގޭގައި ގާއިމްކޮށްފައިވާ ނެޝަނަލް އިމަރޖެންސީ އޮޕަރޭޝަން ސެންޓަރު (އެންއީއޯސީ)ގައި ބޭއްވި ނޫސްވެރިންގެ ބައްދަލުވުމުގައި ވަނީ 12 މީހަކު ކޮވިޑް-19 އަށް ޕޮޒިޓިވްވިކަން ހާމަކޮށްފައެވެ. މި 12 މީހުންނަކީ ދިވެހިންނެވެ.
އެޗްޕީއޭއިން ކުރި ޓުވީޓުގައި ވަނީ އެ 12 މީހުންގެ އިތުރުން އެކަކު ކޮވިޑް-19 އަށް ޕޮޒިޓިވްވެފައިވާކަމަށާއި އޭނާ އަކީ ބަންގްލަދޭޝް އަށް ނިސްބަތްވާ މީހެއްކަމަށެވެ.
