އިތުރު 12 މީހަކު ކޮވިޑް-19 އަށް ޕޮޒިޓިވް ވެއްޖެ!
24 އެޕްރީލު 2020 | ހުކުރު 16:49ޖުމްލަ އަދަދު 128 އަށް އަރައިފި
ލޮކްޑައުންގައި މާލެ ސިޓީ މަގުމަތީގެ ހާލަތު
އިތުރު 12 މީހަކު ކޮވިޑް-19 އަށް ޕޮޒިޓިވް ވެއްޖެ އެވެ.
ހުކުރު ދުވަހުގެ ރޭ ދަރުބާރުގޭގައި ގާއިމްކޮށްފައިވާ ނޭޝަނަލް އެމެޖެންސީ އޮޕަރޭޝަން ސެންޓަރުގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އެންއީއޯސީގެ ތަރުޖަމާނު މަބްރޫކް އަޒީޒު ވިދާޅުވީ މިހާތަނަށް ޕޮޒިޓިވްވި މީހުންގެ އަދަދު ޖުމްލަ 128 އަށް އަރާފައިވާ ކަމަށާއި އޭގެތެރޭގައި 60 ދިވެހިންނާއި 68 ބިދޭސީން ހިމެނޭކަމަށެވެ.
ހުކުރު ދުވަހުގެ މެންދުރުގެ ވަގުތެއްގައި ކޮވިޑް-19 އަށް ރާއްޖެއިން އިތުރު 6 މީހަކު ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވާއިރު، މި ހަ މީހުންގެ ތެރޭގައި ހިމެނެނީ ދިވެހިންގެ ދެ މީހުންނާއި ބަންގްލަދޭޝްގެ ދެ މީހުން އަދި ލަންކާ އިންނާއި އިންޑިޔާއިން އެކަކެވެ.
މިހާތަނަށް 5441 ސާމްޕަލް ހެދިފައިވާއިރު، 5071 ސާމްޕަލް ނެގެޓިވް ވެފައިވާކަމަށް މަބްރޫކް ވަނީ ވިދާޅުވެފަ އެވެ. އަދި ބާކީ ސާމްޕަލްތައް ހުރީ އަދިވެސް ނަތީޖާ ނުލިބި ލެބޯޓްރީގައިކަމަށް މަބްރޫކް ވިދާޅުވި އެވެ. ކުރެއްދޫ އައިލެންޑް ރިސޯޓުން ނެގި ސާމްޕަލްތަކުގެ ނަތީޖާ ލިބެން ފަށާފައިވާ ކަމަށް ވެސް މަބްރޫކް ވިދާޅުވި އެވެ.
