ރަމަޟާން މަހު މޯލްޑިވްސް ގޭހުން ޚިދުމަތްދޭ ގަޑިތައް ކަނޑައަޅައިފިއެވެ.
މޯލްޑިވްސް ގޭހުން ބުނީ މި ރޯދަ މަހު ދެ ވަގުތަކަށް ބަހާލައިގެން ޚިދުމަތް ދޭން ނިންމާފައިވާ ކަމަށެވެ.
އެއީ ހޮނިހިރު ދުވަހުން ފެށިގެން ބުރާސްފަތި ދުވަހުގެ ނިޔަލަށް ކޮންމެ ދުވަހެއްގެ ހެނދުނު 11:00ން 15:00 ށެވެ. އަދި ރޭގަނޑު 8:30ން 10:30 ށެވެ.
ހުކުރު ދުވަހު ޚިދުމަތް ލިބޭނީ މެންދުރުފަހު 1:30ން 3:00ށެވެ. އަދި ރޭގަނޑު 8:30ން 10:30ށް ކަމަށް މޯލްޑިވް ގޭހުން ބުނެއެވެ.
މޯލްޑިވްސް ގޭހުގެ މުއައްޒަފުންގެ ރައްކާތެރިކަމަށް ގިނަ ފިޔަވަޅުތަކެއް މޯލްޑިވްސް ގޭހުން އަޅާފައިވާއިރު، ގޭހަށް އޯޑަރ ދިނުމަށް ބޮޑަށް ބާރުއަޅަނީ ވެބްސައިޓް މެދުވެރިކޮށެވެ. އަދި ކަސްޓަމަރުންނަށް ގޭގައި ތިބެގެން އޮންލައިން ކޮށް ގޭހަށް ފައިސާ ދެއްކޭ އިންތިޒާމު ވެސް ވަނީ ހަމަޖައްސާފައެވެ.
ނަމަވެސް ވެބް އޯޑަރ ސަރވިސް ބޭނުން ނުކުރެއްވޭނެ މީހުންނަށް ކޯލް ސެންޓަރު 1616 ގުޅައިގެން އޯޑަރު ދެވޭނެ ކަމަށް މޯލްޑިވްސް ގޭހުން ބުނެއެވެ.
