''ޕޮކެޓް'' ނަމަކަށް ކިޔާ ޑިވައިސްއަކުން ކޮވިޑް-19 އަށް ޕޮޒިޓިވްވެފައިވާކަން ދެނެގަނެވޭ ކަމަށް ބޭރުގެ މިޑިއާތަކުން ބުނެފިއެވެ.
ޑެއިލީ މެއިލްގައި ރިޕޯޓުކޮށްފައިވާ ގޮތުގައި މިކުޑަކުޑަ ޑިވައިސްގައި ލޭގެ ސާންޕަލް، ޔޫރިންގެ ސާންޕަލް އަދި ކުޅުގެ ސާންޕަލް ބޭނުން ކޮށްގެން ޑީއެންއޭއަށް އަންނަ ބަދަލު ދެނެގަނެ ބަލިހުރިކަން ދެނެގަނެވޭނެއެވެ.
މިކުޑަ ޑިވައިސްގައި ތްރީޑީކޮށް ޕްރިންޓްކޮށްފައިވާ ''އައިޗިޕް'' ނަމަކަށްކިޔާ ޗިޕެއް ހިމެނެއެވެ. އަދި މި ޑިވައިސް ފޯނާ ގުޅުވަނީ ނަތިޖާ ބެލުމަށްށެވެ. މިޑިވައިސްއިން އެންމެ ގިނައިރު ވެގެން ވެސް ދެގަޑިއިރު ތެރޭގައި ނަތީޖާ ލިބޭނެއެވެ.
10 ޑޮލަރަށް ލިބޭ މިޑިވައިސް ފަރުވާކޮށްފައިވަނީ ޗައިނާގެ އަރމީ މެޑިކަލް ޔުނިވަރސިޓީގެ ޑރ. މިންޗެން އެވެ.
މިޑިވައިސްއާ ބެހޭގޮތުން ޑރ. މިންޗެން ވިދާޅުވީ މިޑިވައިސްގެ އެހީގައި ކްލިނިކަލް ޑައިގްނޯސް ފުޑް ސޭފްޓީ އެގްރިކަލްޗަރަލް ޕްރޮޓެކްޝަން އަދި އެންވަރުމެންޓަލް މޮނިޓަރިންގެ ފަދަ ކަންކަން ކުރެވޭނެ ކަމަށެވެ.
