ކ. މާލެ
|
23 އޭޕްރިލް 2020 | ބުރާސްފަތި 01:36
ބޯޓަށް މުދާ އަރުވަނީ
ބޯޓަށް މުދާ އަރުވަނީ
ޔޫސުފް ސޮފްވާން ރަޝީދު
އަގުބޮޑުކޮށް މުދާ ވިއްކުން
ކޮންޓްރޯލު ކޮށްފައިވާ އަގަށްވުރެ ބޮޑުކޮށް މުދާ ވިއްކާ ފަރާތްތައް ރިޕޯޓްކުރޭ
 
ޝަކުވާ ހުށައަޅާނީ މިނިސްޓްރީގެ މެއިލް އެޑްރެސް އަށް
 
އެއް ލައްކަ ރުފިޔާއިން ޖުރިމާނާ ކުރާނެ

ކޮންޓްރޯލުކޮށްފައިވާ އަގަށްވުރެ ބޮޑުކޮށް މުދާ ވިއްކަމުންދާ ފަރާތްތަކާމެދު ފިޔަވަޅު އަޅާނެކަމަށް އިކޮނޮމިކް މިނިސްޓްރީން ބުނެފި އެވެ.

ބުދަ ދުވަހު އިކޮނޮމިކް މިނިސްޓްރީން ނެރެފައިވާ ބަޔާނެއްގައި ބުނީ، މުދާ ގަންނަ ފަރާތްތަކާއި ހިދުމަތް ލިބިގަންނަ ފަރާތްތައް ހިމާޔަތްކުރުމުގެ ގާނޫނުގެ ހަތް ވަނަ މާއްދާގެ (ހ) ގެ ދަށުން، މުދަލެއް ވަކިވަކިން ވިއްކޭނެ އެންމެ މަތީ އަގު ކަނޑައަޅާފައިވަނިކޮށް ކޮންޓްރޯލުކުރެވުނު އަގަށްވުރެ ބޮޑުކޮށް މުދާ ވިއްކަމުންދާ ފަރާތްތަކާމެދު ފިޔަވަޅު އަޅާނެ ވާހަކަ އަންގާފައިވާނެ ކަމަށެވެ.

އިކޮނޮމިކް މިނިސްޓްރީން ބުނީ، އަގުބޮޑުކޮށް ވިއްކައިފިކަމަށް ފާހަގަކުރެވޭ ފުރަތަމަ ފަހަރު، އެ ފަރާތެއް އެއް ލައްކަ ރުފިޔާއިން ޖޫރިމަނާ ކުރެވޭނެ ކަމަށެވެ. އަދި، ކުށް ތަކުރާރުކުރާ ކޮންމެ ފަހަރަކު އެ ފަރާތް އެއް ލައްކަ ރުފިޔާއިން ޖޫރިމަނާކޮށް، އަދި ހަ މަސް ދުވަހަށްވުރެ ދިގު ނޫން މުއްދަތަށް ވިޔަފާރިކުރާ ތަން ބަންދުކުރުމަށް އެންގޭނެ ކަމަށެވެ.

އަގު ބޮޑުކޮށް މުދާ ވިއްކާ ފަރާތްތަކާމެދު ފިޔަވަޅު އެޅުމަށް ޝަކުވާ ހުށަހަޅުން މި މިނިސްޓްރީ އަށް އީމެއިލް ކުރުމަށް މިނިސްޓްރީން ވަނީ އިލްތިމާސްކޮށްފައެވެ.

ކޮންޓްރޯލު ކޮށްފައިވާ އަގަށްވުރެ ބޮޑުކޮށް، މުދާ ވިއްކަމުންދާ ފަރާތްތަކާމެދު ފިޔަވަޅު އަޅާނެކަމަށް އިކޮނޮމިކް މިނިސްޓްރީން ބުނެފައިވާއިރު، މި މި މަހުގެ ހަތަރު ވަނަ ދުވަހުން ފިޔާ، އަލުވި އަދި ބިސް ވިއްކޭނެ އެންމެ މަތީ އަގު ކަނޑައަޅައި، ސަރުކާރުން ވަނީ އެކަން އިއުލާން ކޮށްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
0%
0%
100%
ކޮމެންޓް
23 އޭޕްރިލް 2020 | ބުރާސްފަތި 01:58
މަގޭ
އީމެއިލް ކޮ ބާ. ހަ ބަރެއް ލިޔުނަސް އޭގެ އެއް ބައި.