ސަލްމާންގެ ހާއްސަ ލަވައެއް ކޮވިޑަށް

މުޅި ދުނިޔޭގެ އިތުރުން އިންޑިއާގައި ކޮވިޑް-19 ފެތުރެމުންދާތީވެ އެކަމަށް ހާއްސަކޮށްގެން ބޮލީވުޑްގެ މަޝްހޫރު ފިލްުމީތަރި ސަލްމާން ހާން ލަވައެއް ނެރެފިއެވެ.

މި ދަނޑިވަޅުގައި އާއްމުން ހޭލުންތެރި ކުރުމާއި ގައިދުރުކަމަށް ބާރު އެޅުމުގެ މަގްސަދުގައި ނެރުނު ލަވަޔަށް ކިޔަނީ '''ޕިޔާރް ކަރޯނާ'' އެވެ.

ސަލްމާން ޚާން ލިޔެ ހުށައެޅި މި ލަވަ ވަނީ ޔޫޓިއުބް ގައި އަޕްލޯޑް ކޮށްފައެވެ. ލަވަ ޕްރޮޑިއުސް ކޮށްފައިވަނީ ސާޖިދް ވާޖިދުއެވެ. ސަލްމާންގެ އިންސްޓަގްރާމް އެކައުންޓުގައި މި ލަވަ ޝެއާ ކުރަމުން އޭނާ ވަނީ ހުރިހާ ފަރާތްތަކުންވެސް ގައިދުުރު ކުރުމަށް ބާރު އަޅައިފައެވެ.

އިންޑިއާ ލޮކްޑައުން ކޮށްފައިވާއިރު، ގެއިން ބޭރަށް ނުނިކުމެވޭތީވެ އެލަވައިގެ އޯޑިއޯ ރިކޯޑް ކޮށްފައިވަނީ ފޯނަކުންނެވެ. ސަލްމާން ބުނީ، އެ ލަވައިން އޭނާ ދޭން ބޭނުންވާ މެސެޖަކީ އެކަކު އަނެކަކަށް އަޅާއިލާ ކެތްތެރި ކަމާއި އެކު ތިބުމަށް ކަމަށެވެ.

ލޮކްޑައުންއާ އެކު ބޮލީވުޑްގެ ގިނަ ތަރިން ދަނީ އެކި ކަހަލަ ވީޑިއޯތަކާއި އެ މީހުންގޭގައި ކުރާ ކަންތައް ފޭނުންނާ ހިއްސާ ކުރަމުންނެވެ.