ކޮވިޑް-19 އަށް ރާއްޖެއިން ޕޮޒިޓިވްވި މީހުންގެ ތެރޭގައި ހިމެނޭ އެއްވެސް މީހަކު ހާލު ސީރިއަސް ނޫންކަމަށް ޑރ. ނަޒްލާ ރަފީގް ވިދާޅުވެއްޖެ އެވެ.

ނޭޝަނަލް އެމަޖެންސީ އޮޕަރޭޝަން ސެންޓަރުގައި ހޯމަ ދުވަހު ބޭއްވި ނޫސްވެރިންގެ ބައްދަލުވުމުމުގައި ޑރ. ނަޒްލާ ވިދާޅުވީ، ހޯމަ ދުވަހު ކޮވިޑް-19 އަށް 60 އަހަރު މީހަކު ޕޮޒިޓިވްވި ވެފައިވާ ކަމަށާއި މިހާތަނަށް ރާއްޖޭގައި ކޮވިޑް-19 އަށް ޕޮޒިޓީވްވި އެންމެންގެ ހާލު ސީރިއަސް ނޫން ކަމަށެވެ.

ހޯމަ ދުވަހުގެ މެންދުރާ ހަމައަށް އިތުރު 15 މީހަކު ކޮވިޑް-19 އަށް ޕޮޒިޓިވް ވެފައިވާ ކަމަށް އިއުލާން ކޮށްފައިވާއިރު،ަަ އާދިއްތަ ދުވަހުވެސް 17 މީހަކު ޕޮޒިޓިވް ވެފައިވެއެވެ.

މިހާތަނަށް ރާއްޖާގައި ކޮވިޑް-19 އަށް ޕޮޒިޓިވް ވެފައިވަނީ 67 މީހެކެވެ. އޭގެތެރެއިން ރަނގަޅުވެފައިވަނީ 16 މީހެކެވެ.