ރާއްޖެއިން އެންމެ ފަހުން ޕޮޒިޓިވްވި މީހުންނާ ގުޅުންހުރި 468 މީހަކު ހޯދިފައިވާކަމަށް ނެޝަނަލް އެމެޖެންސީ އޮޕަރޭޝަން ސެންޓަރ (އެންއީއޯސީ) އިން ބުނެފިއެވެ.
އެންއީއޯސީގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވީ، މާލޭގެ އިތުރުން އުލިގަމުން ޕޮޒިޓިވްވި މީހާއާ ބައްދަލުވި 468 ކޮންޓެކްޓެއް ހޯދިފައިވާ ކަމަށެވެ. އަދި އޭގެތެރެއިން 248 މީހެއްގެ ސާމްޕަލް ނަގައި ޓެސްޓުކުރުމުގެ މަސައްކަތް ކުރަމުންދާ ކަމަށެވެ. އެ ކޭސްތަކާއި ގުޅިގެން 133 އެޕާޓްމެންޓާއި ގެއެއް ގެންދެވިފައިވާ ކަމަށް މަބްރޫކް ވިދާޅުވިއެވެ.
އާދިއްތަ ދުވަހު ރިކޯޑް އަދަދަކަށް ރާއްޖެއިން ކޮވިޑް-19 އަށް މީހުން ވަނީ ޕޮޒިޓިވްވެފައެވެ. އެއީ 17 މީހުންނެވެ. އެއީ 16 ބިދޭސީންނާއި އެއް ދިވެއްސެކެވެ. ރާއްޖެއިން މުޅި ޖުމްލަ ކޮވިޑް-19 އަށް 51 މީހަކު ވަނީ ޕޮޒިޓިވްވެފައެވެ.
