5000 ކިލޯގެ ސިއްހީ އާލާތްތައް ރާއްޖެ ގެނެސްފި
17 އެޕްރީލު 2020 | ހުކުރު 17:03ސިއްހީ އާލާތްތައް ގެނެސްފައިވަނީ ހުކުރު ދުވަހުގެ ރޭ
ދާނިޝް ނިޡާމް | 17 އެޕްރީލު 2020 | ހުކުރު 17:03
މޯލްޑިވިއަންގެ ކާގޯ ފްލައިޓް
ފަސް ހާސް ކިލޯގެ ސިއްހީ އާލާތްތައް ޔޫއޭއީން ރާއްޖެ ގެނެސްފިއެވެ.
މިކަމާއި ގުޅިގެން މޯލްޑިވިއަންއިން ކޮށްފައިވާ ޓުވީޓެއްގައި ބުނެފައިވަނީ، ފަސްހާސް ކިލޯގެ މެޑިކަލް އާލާތްތަކާއެކު ޑުބާއިން އައި ކާގޯ ފްލައިޓް ވެލާނާ އިންޓަރނޭޝަނަލް އެއާރޕޯޓަށް ހުކުރު ދުވަހުގެ ރޭ ޖައްސާފައިވާކަމަށެވެ.
މުޅި ދުނިޔޭގައި ހަލުވިކަމާއެކު ފެތުރެމުންދާ ކޮވިޑް-19 އާއި ގުޅިގެން ރާއްޖެއަށް އަވަށްޓެރި ބައެއް ގައުމުތަކުން ވަނީ ސިއްހީ އާލާތްތަކާއި ކާޑުގެ ބާވާތްތަކުގެ އެހީދީފައެވެ. ކުރިއަށް އޮތް ރަމަޞާން މަހަށް، ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އިންވެސް ވަނީ ކާޑުގެ ބާވަތްތަކާއި ފިޔާ އަދި ބިހުގެ ޝިޕްމަންޓެއް ރާއްޖެ ގެނެސްފައެވެ.
