މާލެއިން ކޮވިޑް-19 އަށް ޕޮޒިޓިވްވި އެންމެންގެ ހާލު ރަނގަޅު
17 އެޕްރީލު 2020 | ހުކުރު 13:13ރާއްޖެއިން 28 މީހަކު ކޮވިޑް-19 އަށް ޕޮޒިޓިވްވި
ޑރ. ނަޒްލާ ރަފީގް
މާލެއިން ކޮވިޑް-19 އަށް ޕޮޒިޓިވްވި މީހުންގެ ތެރެއިން އެންމެންގެ ހާލުވެސް ރަނގަޅުކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
ރާއްޖެއިން މިހާތަނަށް 28 މީހަކު ކޮވިޑް-19 އަށް ޕޮޒިޓިވްވެފައިވާއިރު، އޭގެ ތެރެއިން 8 މީހުންނަކީ މާލެއިން ޕޮޒިޓިވްވި މީހުންނެވެ. މާލެއިން ފުރަތަމަ ޕޮޒިޓިވްވި މީހާއަށް ބަލި ޖެހުނުގޮތް ހޯދުމުގެ މަސައްކަތް ދަނީ ކުރަމުންނެވެ.
މާލެއިން ފުރަތަމަ ފަހަރަަށް ބައްޔަށް ޕޮޒިޓިވްވި މީހާގެ ފަރާތުން ހަ މީހަކަށް ވަނީ ބަލި ޖެހިފައެވެ. ހުކުރު ދުވަހު ޕޮޒިޓިވްވި މީހުންގެ ތެރެއިން ދެ މީހުންނަކީ ފުރަތަމަ މީހާއާ ގުޅުމެއް ނެތް މީހުން ކަމަށް ނެޝަނަލް އެމެޖެންސީ އޮޕަރޭޝަން ސެންޓަރ (އެންއީއޯސީ) ބުންޏެވެ.
ރާއްޖޭގައި މިހާތަނަށް ބަލި ޖެހުނު މީހުންގެ ތެރެއިން 16 މީހަކު ވަނީ ބަލިން ފަސޭހަވެފައެވެ. އޭގެ ތެރޭގައި 15 ބިދޭސީއަކު ހިމެނޭއެވެ.
މާލެއިން ކޮވިޑް-19 ގެ ކޭސްތަކެއް ފެނުމާއި ގުޅިގެން މާލެ ވަނީ ލޮކްޑައުންކޮށްފައެވެ. އަދި ރާއްޖޭގެ އެއް ރަށުން އަނެއް ރަށަށް ދަތުރުކުރުން އެޗްޕީއޭއިން ވަނީ މަނާކޮށްފައެވެ.
