ހދ. ހަނިމާދޫ އަށް އަރާ ފައިބާ މީހުންގެ މައުލޫމާތު އެއްކުރުމުގެ މަސައްކަތް ކުރާނެ މީހުން ހޯދަން އިއުލާން ކޮށްފި އެވެ.

ހަނިމާދޫ ކައުންސިލުން ބުނީ ކޮވިޑް-19 ރާއްޖޭގައި ފެތުރިދާނެ ކަމުގެ ބިރު ބޮޑުވެ މާލެ އިން 3 މީހަކު މިބަލި ޖެހިފައިވާކަން ކަށަވަރުވެފައިވާއިރު، ރަށަށް އަރާ، ފުރާ މީހުންގެ ފުރިހަމަ މައުލޫމާތު އެއްކޮށް ބަލަހައްޓަށް ބޭނުންވާ ކަމަށެވެ.

ކައުންސިލުން ބުނީ ރަށުގެ ދެ ސަރަޙައްދަކުން ލަފާ، ފުރާ މީހުންގެ މައުލޫމާތު ނެގުމަށް ހިލޭ ސާބަހަށް މި މަސައްކަތް ކުރަން ބޭނުންވާ މީހުން ބުރާސްފަތި ދުވަހުން ފެށިގެން މިމަހުގެ 17 ވަނަ ދުވަހުގެ 12.00 ގެ ކުރިން 7743397 އެސްއެމްއެސް މައުލޫމާތު ފޮނުވާ ދިނުމަށް އެދޭ ކަމަށެވެ.

ކައުންސިލުން ބުނީ ފުރިހަމަ ނަމާއި އެޑްރެސް، އައިޑީކާޑު ނަންބަރު، ޖިންސް، އުމުރު ނުވަތަ އުފަން ތާރީޚް އަދި ފޯނު ނަންބަރ/ނަންބަރތައް ފޮނުވައި ދިނުމަށް އެދޭ ކަމަށެވެ. އަދި މި މަސައްކަތަށް ޝައުގުވެރިވާ ފަރާތުގެ ބޭނުމަށް އިމަޖެންސީގައި ގުޅާނެ ނަންބަރު ވެސް ފޮނުވައި ދިނުމަށް އެދިފައިވެ އެވެ.