ވީބީ މާޓުން ވެސް ޑެލިވަރީ ހިދުމަތް ފަށައިފި
200 ރުފިޔާއަށްވުރެ މަތިން ކުރާ ކޮންމެ ވިޔަފާރީއަކަށް ޑެލިވަރީގެ ހިދުމަތް ލިބިގެންދާނެ
ވީބީ މާޓުގެ ފިހާރައެއް | ވީބީ ބްރަދާސް
ވީބީ މާޓުން ޑެލިވަރީގެ ހިދުމަތް ފަށައިފިއެވެ.
ވީބީ ބްރަދާސް ޕްރައިވެޓް ލިމިޓެޑުން ބުނީ، ކޮވިޑް-19 އާ ގުޅިގެން ރައްޔިތުން ގޭގައި ތިބުމަށް ބާރު އެޅުމުގެ ގޮތުން އެ ކުންފުނީގެ ފިހާރަތަކުން ވެސް ޑެލިވަރީ ހިދުމަތްތައް ފަށާފައިވާ ކަމަށެވެ. އެގޮތުން 200 ރުފިޔާއަށްވުރެ މަތިން ކުރާ ކޮންމެ ވިޔަފާރީއަކަށް ޑެލިވަރީގެ ހިދުމަތް ލިބިގެންދާނެ ކަމަށް ވީބީ އިން ބުންޏެވެ.
ވީބީ މާޓުން ބުނިގޮތުގައި، ކޮންމެ ދުވަހަކުވެސް ހެނދުނު 9:00 އިން ރޭގަނޑު 10:00 އާއި ހަމައަށް އެ ފިހާރައިން ތަކެއްޗަށް އޯޑަރު ކުރެވޭނެއެވެ. އޯޑަރު ކުރަންބޭނުންވާ ތަކެތީގެ ލިސްޓް ލިޔުމަށްފަހު 9633855 އަށް ވައިބާ ކޮށްގެން ނޫނީ އެ ނަމްބަރަށް ގުޅައިގެން ނޫނީ އެސްއެމްއެސްއެއް ކުރުމުނެ އެ ހިދުމަތް ލިބިގެންދާނެ ކަމަށާއި މެސެޖުގައި މީހާގެ ނަމާއި، ފޮނުވަން ބޭނުންވާ ގެއެއްގެ މައުލޫމާތާއި، ފޯން ނަންބަރު ހިއްސާ ކުރުމަށް ވީބީ މާޓުން ވަނީ އެދިފައެވެ.
ނަގުދުކޮށް ފައިސާ ދައްކައިގެންނާއި، ބީއެލްއެމް ކާޑު މެދުވެރިކޮށް، އަދި ބީއެމްއެލް ޓްރާންސްފާ މެދުވެރިކޮށްވެސް ފައިސާ ދެއްކޭނެ ކަމަށް ވީބީ އިން ބުނެއެވެ.
މީގެ އިތުރުން މިގޮތަށް އޯޑަރު ކުރާ ފަރާތްތަކަށް ވީބީ މާޓުން 200 ރުފިޔާއަށްވުރެ މަތިން ވިޔަފާރިކޮށްގެން ކޮންމެ ދުވަހަކު 1000 ރުފިޔާގެ ގިފްޓް ވައުޗަރެއް ލިބޭ ޕޮރޮމޯޝަނުގައި ބައިވެރިވުމުގެ ފުރުސަތު ވަނީ ހުޅުވާލާފައެވެ.
