ދެ ބިދޭސީއެއްގެ ދެމެދު މާރާމާރީ ހިންގައިފި
8 އެޕްރީލު 2020 | ބުދަ 02:43ފުލުހުން ދަނީ މައްސަލަ ބަލަމުން
ފުލުހުން ބަންދުކޮށްފައިވާ ސަރަހައްދެއް
ދެ ބިދޭސީއެއްގެ ދެމެދުގައި މާރާމާރީ ހިންގައިފިއެވެ.
މީޑިއާތަކަށް ފޮނުވި މެސެޖެއްގައި ފުލުހުން ބުނީ، އަންގާރަ ދުވަހުގެ 22:43 ހާއިރު ބޮޑުތަކުރުފާނު މަގުގައި މީހަކަށް ތޫނު އެއްޗަކުން ހަމަލާދިން މައްސަލައެއް ފުލުހުންނަށް ހުށައެޅިފައިވާ ކަމަށެވެ. ފުލުހުން ބުނީ، އެ މާރާމާރީ ހިންގާފައިވަނީ ބަންގްލަދޭޝް އަށް ނިސްބަތްވަ ދެ ފިރިހެނެއްގެ ދެމެދުގައި އުފެދުނު މައްސަލަ އެއްގައި ކަމަށާއި، އެ ތަނުން އެކަަކު ވަނީ އަނެއް މީހާގެ ބުރަކަށްޓަށް ތޫނު އެއްޗަކުން ހަމަލާދިފައިވާ ކަމަށެވެ.
އަނިޔާ ލިބުނު އުމުރުން 40 އަަހަރުގެ މީހާ އައިޖީއެމް ހޮސްޕިޓަލުގައި މިހާރު ފަރުވާދެމުންދާ ކަމަށާއި، އެ މީހާގެ ހާލު ރަނގަޅު ކަމަށް ފުލުހުން ބުންޏެވެ. ފުލުސް އޮފީހުން ބުނީ، ހަމަލާދިން 30 އަހަރުގެ ބަންގްލަދޭޝް މީހަކު ފުުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ. ފުލުހުން ދަނީ މައްސަލަ ތަހުގީގު ކުރަމުންނެވެ.
