ހޮނިހިރު 30 މެއި 2020
11 ރޯނު
1441 ޝައްވާލް 07
ފަތިސް 04:34
އިރުއަރާ 05:51
މެންދުރު 12:07
އަސްރު 15:30
އިރުއޮއްސޭ 18:16
އިޝާ 19:33
ކޮވިޑް-19

ސްޕެނިޝް ލީގު މެއި މަހު ފަހުކޮޅު ފަށަން މަސައްކަތް ކުރަނީ

  • ޔޫރަޕުގެ ބޮޑު ފަސް ލީގު ވަނީ މެދުކަނޑާލާފައި

ކ. މާލެ | 7 އޭޕްރިލް 2020 | އަންގާރަ 18:49 | 2,117

ސްޕެނިޝް ލީގު މެޗެއްގެ ތެރެއިން - ގޯލް.ކޮމް

ޔޫރަޕުގައި ހަލުވިކަމާއެކު ފެތުރެމުން އަންނަ ކޮވިޑް-19 ގެ ސަބަބުން ސްޕެނިޝް ލީގު މެދު ކަނޑާލާފައިވާއިރު، ސްޕެނިޝް ލީގު އެންމެ އަވަސް ވެގެން ވެސް ފެށޭނީ މެއި މަހު ފަހުކޮޅުގައި ކަމަށް ލަލީގާގެ ރައީސް ޓެބާސް ވިދާޅުވެއްޖެއެވެ.

ސްޕެއިންގެ ޓީމަކުން އެންމެ ފަހުން ކުޅުނު މެޗަކީ ޗެމްޕިއަންސް ލީގުގައި 11 މާރޗުގައި އެތުލެޓިކޯ މެޑްރިޑް އަދި ލިވަޕޫލް ބައްދަލުކުރި މެޗެވެ. ޓެބާސް ވިދާޅުވީ ސްޕެނިޝް ޓީމުތަކުން ޓްރެއިނިންގ ފަށާނީ ޙާލަތަށް ބެލުމަށްފަހު އޭޕްރީލް 26 ހުގައި ކަމަށެވެ. އަދި މެއި މަހު ލީގު ނުފެށިއްޖެނަމަ ސްޕެނިޝް ކްލަބުތަކަށް 1 ބިލިއަން ޔޫރޯގެ ގެއްލުމާއި ކުރިމަތިލާން ޖެހޭނެކަމަށް ޓެބަސް ވިދާޅުވިއެވެ.

ސްޕެއިންގެ ނޫހަކަށް ޓެބާސް ދިން އިންޓަރވިއުއެއްގައި ވިދާޅުވީ ސްޕެނިޝް ލީގު ފެށޭނެ ތާރީޚެއް ސީދާ ބުނަން ނޭނގޭ ކަމަށާއި ނަމަވެސް މިހާރު ޕްލޭން ކުރާ ގޮތަށް ކަންކަން ކުރިޔަށް ގޮސްފިނަމަ ސްޕެނިޝް ލީގު މެއި މަހު ފަހުކޮޅު ފަށާނެ ކަމަށް ބެލެވޭ ކަމަށެވެ. މީގެ އިތުރުން ޓެބާސް ބުނީ ލަލީގާއިން އަބަދުވެސް ވިސްނަމުން އަންނަނީ މި ސީޒަން ނިންމުމަށް ކަމަށާއި އެވިސްނުން އަދިވެސް ބަދަލުނުވާ ކަމަށެވެ.

ޓެބާސް އިތުރަށް ވިދާޅުވީ ޔޫރަޕުގެ ބޮޑެތި މުބާރާތްތަކުން ސްޕެނިޝް ޓީމުތައް އަންނަނީ ބޮޑު ފައިދާއެއް ނަގަމުން ކަމަށާއި، އެގޮތުން ޔޫރަޕުގެ ބޮޑެތި މުބާރާތްތައް ކެންސަލް ކޮށްފިނަމަ ކްލަބުތަކަށް 1 ބިލިއަނަށްވުރެ ގިން ޔޫރޯގެ ގެއްލުންވާނެ ކަމަށެވެ. އަދި ސަޕޯޓަރުން ނުވައްދާ ކުޅޭނަމަ 300 މިލިއަނެއްހާ ޔޫރޯގެ ގެއްލުން ކްލަބުތަކަށްވާނެ ކަމަށްވެސް ޓެބާސް ވިދާޅުވިއެވެ.

ދުނިޔޭގައި މިހާރު ފެތުރެމުން އަންނަ ކޮވިޑް-19 އާ ގުޅިގެން ދުނިޔޭގެ ފުޓްބޯޅަ ވަނީ ހުއްޓުމަކަށް އައިސްފައެވެ. އެގޮތުން ޔޫރަޕުގެ އެންމެ މަޤުބޫލު ފަސް ލީގުގެ ކުޅުން ވަނީ މެދުކަނދާލާފައެވެ. އެއީ އިނގިރޭސި ޕްރިމިއަރ ލީގާއި، ސްޕެނިޝް ލީގާއި، އިޓާލިއަން ލީގާއި، ފްރެންޗް ލީގުގެ އިތުރުން ޖަރުމަން ލީގެވެ. އަދި ޔުއެފާ ޗެމްޕިއަންސް ލީގާއި ޔޫރޮޕާ ލީގުގެ މެޗުތައް ވެސް ވަނީ ހުއްޓާލާފައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.