13 އަހަރުގެ ކުއްޖަކަށް ޖިންސީ ގޯނާކުރި މައްސަލައެއް ތަހުގީގު ކުރަން ފަށައިފި
4 އެޕްރީލު 2020 | ހޮނިހިރު 13:56މިމައްސަލާގައި ވަނީ 21 އަހަރުގެ ދިވެހި ފިރިހެނެއް ހައްޔަރު ކޮށްފަ
ކުޑަކުދިންނަށް ޖިންސީ އަނިޔާކުރަމުންދާތީ، ހޭލުންތެރިކަން އިތުރުކުރުމަށް އާންމުކޮށްފައިވާ ޕޯސްޓަރެއް
މެދުއުތުރުގެ ރަށެއްގައި އުމުރުން 13 އަހަރުގެ އަންހެން ކުއްޖަކަށް ޖިންސީ ގޯނާކުރި މީހަކު ހައްޔަރުކޮށްފި އެވެ.
ފުލުހުން ބުނީ، މަތިއުތުރު (ކ، އއ، އދ އަދި ވ އަތޮޅު) ފުލުހުންގެ ޑިވިޝަނަށް މި މައްސަލަ ހުށަހަޅާފައިވަނީ ހޮނިހިރު ދުވަހު ކަމަށާއި، މި މައްސަލަ އާއި ގުޅިގެން 21 އަހަރުގެ ދިވެހި ފިރިހެނަކު ހައްޔަރުކޮށްފައިވާ ކަމަށެވެ.
ފުލުހުން ބުނީ ކުޑަކުދިންނަށް ކުރާ ޖިންސީ ގޯނާއާއި ޖިންސީ އަނިޔާތަކުގެ މައްސަލަތައް ވަރަށް ސީރިއަސް ގޮތެއްގައި ބަލަމުންދާނެ ކަމަށެވެ.
މިމައްސަލަ ފުލުހުން ތަހުގީގު ކުރަމުންދާއިރު، ކުޑަކުދިން ގުޅޭ މައްސަލަތަކުގައި ކުއްޖާގެ ވަނަވަރު ރައްކާ ކުރުމުގެ ގޮތުން ކުދިން ނިސްބަތްވާ ރަށް އަދި ވަކި އަތޮޅެއްކަން ވެސް ހާމައެއް ނުކުރެއެވެ.
