ޚިދުމަތްތައް ހޯދުމަށް ކިޔުތަކުގައި ތިބޭއިރު ދުރުގައި ތިބުމަށް އެދިވަޑައިގެންފި
2 އެޕްރީލު 2020 | ބުރާސްފަތި 18:53ގިނަ ޚިދުމަތްތައް އޮންލައިންކޮށް ލިބޭ
ކޮވިޑް-19 ގެ ޓާސްކް ފޯހުގެ ތަރުޖަމާނު މަބްރޫކް އަޒީޒް
ޚިދުމަތްތައް ހޯދުމަށް ކިޔުތަކުގައި ތިބޭއިރު ދުރުގައި ތިބުމަށް ކޮވިޑް-19 ގެ ޓާސްކް ފޯހުގެ ތަރުޖަމާނު މަބްރޫކް އަޒީޒް އެދިވަޑައިގެންފިއެވެ.
ބުރާސްފަތި ކޮވިޑް-19ގެ އެންމެފަހުގެ މަޢުލޫމާތު ހިއްސާކުރުމަށް ބޭއްވި ނޫސްވެރިންގެ ބައްދަލުވުމުގައި މަބްރޫކް ވިދާޅުވީ މިހާރުގެ ޙާލަތުގައި "ފިޒިކަލް ޑިސްޓެންސިންގ" ނެގުމަކީ މުހިންމު ކަމެއް ކަމަށެވެ.
ބޭންކް އޮފް މޯލްޑިވްސް (ބީއެމްއެލް)ގައި ގިނަބަޔަކު ތޮއްޖެހުނުކަން ފާހަގަކުރައްވައި މަބްރޫކް ވިދާޅުވީ ބުރާސްފަތި ދުވަހު ބޭންކުން ހޯދި ގިނަ ޚިދުމަތްތަކަކީ އޮންލައިންކޮށް ލިބޭނެ ޚިދުމަތްތަކެއް ކަމަށެވެ. އެހެންކަމުން އޮންލައިން ބޭންކިންގ އިޚުތިޔާރު ކުރުމަކީ މުހިންމު ކަމެއްކަމަށް މަބްރޫކް ވިދާޅުވިއެވެ.
ކޮންމެހެން ބޭންކަށް ދާންޖެހިގެން މެނުވީ ނުދިއުމަށް ވެސް މަބްރޫކް ވަނީ އިލްތިމާސްކުރައްވާފައެވެ.
