ކ. މާލެ
|
2 އޭޕްރިލް 2020 | ބުރާސްފަތި 09:33
އިލެކްޝަން ކޮމިޝަން (އީސީ)ގެ ނައިބް ރައީސް އަހުމަދު އަކްރަމް
އިލެކްޝަން ކޮމިޝަން (އީސީ)ގެ ނައިބް ރައީސް އަހުމަދު އަކްރަމް
އިލެކްޝަންސް ކޮމިޝަން
ލޯކަލް ކައުންސިލް އިންތިޚާބު
ކައުންސިލް އިންތިހާބުގައި ވާދަކުރާ ސިވިލް ސާވެންޓުންގެ ސަސްޕެންޝަންއަށް ހައްލެން ލިބެންޖެހޭ: އަކްރަމް
 
ސަސްޕެންޝަން ދިގު ދެމިގެންދާނަމަ އެ 204 ކެންޑިޑޭޓުންގެ އާއިލާއަށް ގެއްލުންވާނެ
 
މަޖިލީހުން ގާނޫނު ފާސްވާއިރު މިކަމަށް ހައްލެއް ލިބިގެންދާނެ ކަމަށް އުންމީދުކުރެވޭ

ލޯކަލް ކައުންސިލް އިންތިހާބުގައި ވާދަކުރާ ސިވިލް ސާވެންޓުންގެ ސަސްޕެންޝަންއަށް ހައްލެން ލިބެންޖެހޭ ކަމަށް އިލެކްޝަން ކޮމިޝަން (އީސީ)ގެ ނައިބް ރައީސް އަހުމަދު އަކްރަމް ވިދާޅުވެއްޖެއެވެ.

މިމައްސަލައާ ގުޅިގެން އަކްރަމް ވިދާޅުވީ ކޮވިޑް-19 އާ ގުޅިގެން ލޯކަލް ކައުންސިލް އިންތިޚާބު 2020 ފަސްކުރެވިފައިވާއިރު އިންތިޚާބުގެ ކެންޑިޑޭޓުގެ ތެރެއިން ވަޒީފާތަކުގެ އުޅޭ ފަރާތްތަކުގެ ސަސްޕެންޝަނަށް ހައްލެއް ލިބެންޖެހޭ ކަމަށެވެ.

އުންމީދުކުރަނީ މަޖިލީހުން ގާނޫނު ފާސްވާއިރު މިކަމަށް ހައްލެއް ލިބިގެންދާނެ ކަމަށް އަކްރަމް ވިދާޅުވިއެވެ.

ކައުންސިލް އިންތިހާބުގައި ވާދަކުރާ ސިވިލް ސާވެންޓުންގެ ސަސްޕެންޝަންއަށް ހައްލެން ލިބެންޖެހޭ އަކްރަމް ވިދާޅުވެފައިވާއިރު، ބުދަ ދުވަހުގެ ރައްޔިތުންގެ މަޖިލީހުގެ ޖަލްސާގައި ގަމު ދާއިރާގެ މެމްބަރު މުހައްމަދު ވިސާމް ވަނީ ލޯކަލް ކައުންސިލް އިންތިހާބުގައި ވާދަކުރާ ސިވިލް ސާވެންޓުންގެ ސަސްޕެންޝަން އުވާލުމަށް ގޮވާލައްވާފައެވެ.

ވިސާމް ވިދާޅުވީ ކޮވިޑް-19 ގެ ބިރުވެރިކަމާއި ކުރިމަތިވީ، ލޯކަލް ކައުންސިލް އިންތިހާބާއި ކުރިމަތިލައިގެން ތިއްބާ ކަމަށެވެ.

ސިވިލް ސަރވިސްގައި މަސައްކަތްކުރާ 204 ސިވިލް ސަރވެންޓުން މި އިންތިހާބުގައި ކެންޑިޑޭޓުންގެ ގޮތުގައި ވާދަކުރާ ކަމަށާއި، ސަސްޕެންޝަން ދިގު ދެމިގެންދާނަމަ އެ 204 ކެންޑިޑޭޓުންގެ އާއިލާތަކަށްވެސް ގެއްލުންވާނެ ކަމަށް މެމްބަރު ވިސާމް ވިދާޅުވިއެވެ.

އެހެންކަމުން އެ ފަރާތްްތަކުގެ ސަސްޕެންޝަން ބާތިލު ކުރުމަށް ވިސާމް ގޮވާލެއްވިއެވެ. ވިސާމް ވިދާޅުވީ ކުރިއަށް އޮތްތާގައި އެކަމަށް ހައްލެއް ހޯދުމަށް މަޖިލީހުންވެސް މަސައްކަތް ކުރައްވާނެ ކަމަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
0%
0%
0%
0%
0%
0%
ކޮމެންޓް