މަގު ބަންދު ކުރުމުގެ ހުއްދަ އާއި މަގުމަތީ މަސައްކަތް ކުރުމުގެ ހުއްދަ އަދި ބޯޑު ދޫކުރާ ގަޑިތަކަށް ބަދަލު ގެނެސްފި
ރޭގަނޑު މަގުބަންދު ކޮށްގެން ކުރާ މަސައްކަތް މި ފެށޭ ހަފްތާ ގައި ކުރުމަށް ހަމަޖެހިފައިވަނީ ދުވާލު ގަޑީގައި
މަގު ހެދުމުގެ މަސައްކަތްކުރަނީ
29 މާރޗުން ފެށިގެން 04 އޭޕްރިލް ގެ ނިޔަލަށް ސަރުކާރު ބަންދުކުރުމާއިގުޅިގެން، އާންމު ޚިދުމަތްތަކާ ބެހޭބައިން ކުރިން ދޫކުރަމުން ގެންދިޔަ މަސައްކަތްކުރުމުގެ ހުއްދަ ދޭ ގަޑިތަކަށް ބަދަލު ގެނެސްފި އެވެ.
މާލެސިޓީ ކައުންސިލުން ނެރެފައިވާ ބަޔާނެއްގައި ބުނެފައިވަނީ ރޭގަނޑު މަގުބަންދު ކޮށްގެން ކުރާ މަސައްކަތް މި ފެށޭ ހަފްތާ ގައި ކުރުމަށް ހަމަޖެހިފައިވަނީ ދުވާލު ގަޑީގައިކަމަށެވެ. މަގު ބަންދު ކުރުމުގެ ހުއްދަ އާއި މަގުމަތީ މަސައްކަތް ކުރުމުގެހުއްދަ އާއި ބޯޑު ދޫކުރުން އަދި ބަލައިގަތުމަށް ހަމަޖެހިފައިވާ ގޮތަކީ:
29، 30 މާރިޗް މި 2 ދުވަހުގެ ހުއްދަތައް ދޫކުރުން 28 މާރިޗު 2020 ވާ ހޮނިހިރު ދުވަހުގެ 08:00 ން 12:00 އަށް.
31 މާރިޗް އަދި 01 އޭޕްރިލް މި 2 ދުވަހުގެ ހުއްދަތައް ދޫކުރުން 30 މާރިޗް ވާހޯމަ ދުވަހުގެ 08:00 ން 12:00 އަށް.
02، 04 އޭޕްރިލް 2020 މި 2 ދުވަހުގެ ހުއްދަތައް ދޫކުރުން 01 އޭޕްރިލް ވާ ބުދަ ދުވަހުގެ 08:00 ން 12:00 އަށް
މީގެ އިތުރުން ހުއްދަތަކަށް ބޯޑު ދޫކުރުމަށް ހަމަޖެހިފައިވަނީ މަސައްކަތް ކުރުމަށް ހަމަޖެހިފައިވާ ދުވަހުގެ ހެނދުނު 08:00 އިން 12:00 އަށް ކަމަށް ސިޓީ ކައުންސިލުން ބުނެއެވެ. އަދި ބޯޑު ބަލައިގަތުން ރޭގަނޑު 20:00 ން 22:00 އަށް އޮންނާނެކަމަށް މާލެ ސިޓީ ކައުންސިލުން ބުނެއެވެ.
