ހޮނިހިރު 08 އޯގަސްޓު 2020
11 އަހުލިހަ
1441 ޒުލްޙައްޖު 18
ފަތިސް 04:47
އިރުއަރާ 06:02
މެންދުރު 12:16
އަސްރު 15:32
އިރުއޮއްސޭ 18:22
އިޝާ 19:36
ކޮވިޑް-19

ރާއްޖެ އައި ޔޮޓެއް ދެ ހަފްތާއަށް ކަރަންޓީންކޮށްފި

  • ވައި ބަދަލުވަންދެން އެއް ދުވަހަށް ރާއްޖޭގައި ބަނދަރުކުރަންޖެހޭ ކަމަށް ބުނި
  • އެހެން ނަމަވެސް ހުއްދަ ދީފައިވަނީ ތެޔޮ އެޅުމަށް ވަނުމަށް އެކަނި

ކ. މާލެ | 26 މާރޗް 2020 | ބުރާސްފަތި 15:24 | 129,777

ޓާސްކް ފޯހުގެ ތަރުޖަމާނު މަބްރޫކް އަޒީޒް - ރައީސް އޮފީސް

ރާއްޖެ އައި ޔޮޓެއް ދެ ހަފްތާއަށް ކަރަންޓީން ކުރަން ސަރުކާރުން ނިންމައިފިއެވެ.

އެންއީސޯސީގެ ފަރާތުން ދަރުބާރުގޭގައި ބޭއްވި ނޫސްވެރިންގެ ބައްދަލުވުމުގައި ކޮވިޑް-19 ގެ ޓާސްކް ފޯހުގެ ތަރުޖަމާނު މަބްރޫކް އަޒީޒް ވިދާޅުވީ އެ ޔޮޓްގައި ތިބީ ދެ މީހުން ކަމަށާއި އެއީ ކްރޫޒްކޮށްފަ އައި ޔޮޓެއް ކަމަށެވެ. އަދި އެމީހުންނަށް ރާއްޖެއަށް ވަދެވުނީ ވަދެވެން އޮތް މުއްދަތަށް ވުރެ ފަހުން ކަމަށް ވެސް މަބްރޫކް ވިދާޅުވިއެވެ.

އެ ޔޮޓުން ތެޔޮ ހުސްވާތީ ތެޔޮ އެޅުމަށް، އަދި ވައި ބަދަލުވަންދެން އެއް ދުވަހަށް ރާއްޖޭގައި ބަނދަރުކުރަންޖެހޭ ކަމަށް ބުނި ކަމަށާއި އެހެން ނަމަވެސް ހުއްދަ ދީފައިވަނީ ތެޔޮ އެޅުމަށް ވަނުމަށް އެކަނި ކަމަށް މަބްރޫކް ވިދާޅުވިއެވެ. އަދި ޔޮޓަށް އަނބުރާ ރާއްޖެއިން ފުރައިގެން ދެވޭނީ ދެ ހަފްތާގެ ކަރަންޓީން މުއްދަތަކަށް ފަހު ކަމަށް ވެސް އޭނާ ވިދާޅުވިއެވެ.

ސިއްހީ ކުއްލި ނުރައްކަލުގެ ހާލަތާއި ގުޅިގެން ހެދިފައިވާ ގަވައިދުތައް ބުނާގޮތުން، މިހެން ވަންނަ އުޅަނދުފަހަރު ދެ ހަފްތާއަށް ކަރަންޓީން ވާންޖެހެއެވެ. އެހެންކަމުން އެ ޔޮޓުގައި އެ ދެ މީހުން ކަރަންޓީން ކުރުމަށް ސަރުކާރުން ވަނީ ނިންމާފައެވެ.

ރާއްޖެއިން ވަނީ މި މަހުގެ 27 ވަނަ ދުވަހުން ފެށިގެން އޮންއެރައިވަލް ވިސާ ދިނުން ހުއްޓާލުމަށް ވެސް ނިންމާފައެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.