ޕޮލިސް ޑްރަގް ރެއިޑް: ހައްޔަރު ކުރި މީހުންގެ ވަނަވަރު އާންމުކޮށްފި!
23 މާރިޗު 2020 | ހޯމަ 08:348 މީހަކު ފުލުހުންގެ ބެލުމުގެ ދަށުގައި މިހާރުވެސް އެބަތިބި
ޑްރަގް އޮޕަރޭޝަންގައި ހައްޔަރުކޮށްފައިވާ މީހުން
ފުލުހުން ހިންގި އޮޕަރޭޝަނެއްގައި ދިހަ ގެއެއް ބަލައި ފާސްކޮށް ނުވަ ކިލޯއަށް ވުރެ ގިނަ މަސްތުވާތަކެތިި ހޯދި އޮޕަރޭޝަންގައި ހައްޔަރުކޮށްފައިވާ މީހުންގެ ވަނަވަރު ފުލުހުން ހާމަކޮށްފިއެވެ،
އޮޕަރޭޝަންގެ ތަފްސީލް ހިއްސާކޮށް ފުލުހުން ބުނެފައިވަނީ، ގދ. ހޯނޑެއްދޫ، އަލޯރާ، އަރުޝަދު ޚާލިދާއި އިތުރު ބަޔަކު ގުޅިގެން މަސްތުވާތަކެތި ދިވެހިރާއްޖެއަށް އެތެރެކޮށް އެތަކެތި ގެންގުޅެ، ފުޅާދާއިރާއެއްގައި އެތަކެތި ޓްރެފިކް ކުރާކަމަށް މޯލްޑިވްސް ޕޮލިސް ސަރވިސްގެ ޑްރަގް އިންޓެލިޖެންސަށް ލިބުނު މައުލޫމާތަކާގުޅިގެން، އިންޓެލިޖެންސާއި ޑްރަގް އެންފޯސްމަންޓް ޑިޕާޓްމަންޓް ގުޅިގެން 2020 ޖެނުއަރީ 30 ވަނަ ދުވަހު ހިންގި އޮޕަރޭޝަނެއްގައި ކޯޓު އަމުރެއްގެ ދަށުން 10 ގެއެއް ބަލައި ފާސްކޮށްފައިވާކަމަށެވެ.
އެގޮތުން، މި ގެތައް ބަލައި ފާސްކުރިއިރު މަސްތުވާތަކެތީގެ އިތުރުން މަސްތުވާތަކެތި ބަންދުކުރަން ބޭނުންކުރާ ގިނަ އަދަދެއްގެއަލާތްތަކާއި މަސްތުވާތަކެތީގެ ވިޔަފާރިކޮށްގެން ހޯދާފައިވާކަމަށް ބެލެވޭ ގިނަ އަދަދެއްގެ ފައިސާ ފުލުހުންގެ ބެލުމުގެދަށަށް ގެނެސްފައިވާކަމަށް ފުލުހުން ވަނީ ބުނެފައެވެ.
މި މައްސަލައިގައި ހައްޔަރުކޮށްފައިވާ މުޙައްމަދު ސިދުރަތާއި މުޙައްމަދު ޤިޔާސްއަކީ އެއްވެސް ކުށެއްގެ ތުހުމަތުގައި މީގެ ކުރިންހައްޔަރުކޮށްފައިވާ ބައެއް ނޫނެވެ. މި މައްސަލައިގައި ހައްޔަރުކޮށްފައިވާ މުޙައްމަދު ސިދުރަތު 2020 ފެބްރުއަރީ 05 ވަނަ ދުވަހުކްރިމިނަލް ކޯޓަށް ހާޒިރުކުރުމުން ޝަރުތުކޮށް ވަނީ ދޫކޮށްލާފައެވެ. މުޙައްމަދު ސިދުރަތުގެ އިތުރުން މި މައްސަލާގައި ހައްޔަރުކުރި އެންމެން މިހާރުވެސް ތިބީ ފުލުހުންގެ ބަންދުގައެވެ.
ފުލުހުން ފެބްރުއަރީ މަހު އާންމުކޮށްފައިވާ ބަޔާނެއްގައި ބުނެފައިވަނީ، ފުޅާ ދާއިރާއެއްގައި ރާއްޖެއަށް މަސްތުވާތަކެތި އެތެރެކޮށް މަސްތުވާތަކެތީގެ ވިޔަފާރިކުރާ ކަމަށް ތުހުމަތު ކުރެވޭ ނެޓްވޯކެއް އަތުލައިގަތުމަށް ހިންގުނު ޚާއްސަ ދެ އޮޕަރޭޝަނެއްގެ ތެރެއިން 09 ކިލޯއަށްވުރެ ގިނަ މަސްތުވާތަކެއްޗާއި 1،522785ރ. (އެއްމިލިއަން ފަސްލައްކަ ބާވީސްހާސް ހަތްސަތޭކަ އަށްޑިހަ ފަސްރުފިޔާ)ގެ އިތުރުން 173831 (އެއްލައްކަ ހަތްދިހަ ތިންހާސް އެއްސަތޭކަ އެއްތިރީސް އެމެރިކާ ޑޮލަރު) ހޯދާފައިވާކަމަށެވެ.
މި މައްސަލައިގެ ތަހުގީގު ނިންމާ ފެށޭ ހަފުތާތެރޭގައި މައްސަލައިގައި ދައުވާކުރުމާމެދު ގޮތެއް ނިންމުމަށްޓަކައި ޕްރޮސެކިއުޓަރޖެނެރަލްގެ އޮފީހަށް ހުށަހެޅޭނެކަމަށް ފުލުހުން ވަނީ ބުނެފައެވެ.
